Па выніках удзелу каманда студэнтаў факультэта, якая прадстаўляла газету «Паралелі», атрымала дыплом у намінацыі «Найлепшая тэматычная канцэпцыя».
IV Адкрыты Тыдзень журналістыкі ў Брэсце сабраў студэнтаў, школьнікаў, якія цікавяцца медыяпрасторай, а таксама гасцей з Расіі - прадстаўнікоў Маскоўскага авіяцыйнага інстытута і Ялецага дзяржаўнага ўніверсітэта імя І.А. Буніна.
Удзельнікі наведалі майстар-класы вядучых фатографаў, радыёвядучых і рэгіянальных журналістаў, у ліку якіх уласны карэспандэнт «Рэдакцыі газеты "Савецкая Беларусь"» Ганна Петрачэнка, карэспандэнт па Брэсцкай вобласці "Комсомольской правды" в Беларуси» Аксана Бровач і ўласны карэспандэнт БелТА Святлана Вячорка.
У праграме таксама былі і забаўляльныя мерапрыемствы. Запамінальным стаў форум-тэатр, дзе ўдзельнікі змаглі пазнаёміцца бліжэй і паспрабаваць сябе ў ролі акцёраў. Сапраўдным падарункам быў выступ маладога і перспектыўнага паэта, музыкі і журналіста Мікіты Найдзёнава, лідара беларускага гурта «HURMA». Чытанне вершаў і песні пад гітару на роднай беларускай мове падарылі незабыўныя ўражанні і выдатны настрой. А нацыянальны каларыт стварылі арганізатары конкурсу, якія прапанавалі ўдзельнікам стравы нацыянальнай беларускай кухні.
Разыначкай Тыдня журналістыкі стала медыя-расследаванне «НЕсакрэтныя матэрыялы». Пачаткоўцам журналістам давялося браць інтэрв'ю, рабіць фатаграфіі і пераадольваць шмат перашкодаў, каб атрымаць дакладную, актуальную і поўную інфармацыю. Такое расследаванне дапамагло не толькі атрымаць неацэнны вопыт і добрыя ўражанні, але і завесці новыя знаёмствы, праверыць сябе на трываласць ў экстранай сітуацыі.
З усімі навінамі факультэта гісторыі, камунікацыі і турызму можна азнаёмицца тут.
Гродзенскі дзяржаўны ўніверсітэт імя Янкі Купалы