Штогод напярэдадні Міжнароднага дня абароны дзяцей Гуманітарны каледж Гродзенскага дзяржаўнага ўніверсітэта імя Янкі Купалы ладзіць традыцыйную акцыю «Ідзем разам». У гэтым годзе яе правялі пад дэвізам «Насустрач лету».
«У калоне ішлі навучэнцы, якія прадстаўляюць усе спецыяльнасці, па якіх можна атрымаць адукацыю ў каледжы. Затым яны арганізавалі канцэрт на Савецкай плошчы, кульмінацыяй якога стаў танцавальны флэшмоб. Такога роду мерапрыемствы выхоўваюць у навучэнцаў каледжа пачуццё згуртаванасці і папулярызуюць здаровы лад жыцця», - адзначылі арганізатары акцыі.
З усімі навінамі Гуманітарнага каледжа ГрДУ імя Янкі Купалы можна азнаёміцца тут.
Гродзенскі дзяржаўны ўніверсітэт імя Янкі Купалы