Фестываль прайшоў на базе Беларускага дзяржаўнага педагагічнага ўніверсітэта імя Максіма Танка і сабраў прадстаўнікоў з шасці ВНУ Беларусі. Сярод удзельнікаў - дэлегацыя Гродзенскага дзяржаўнага ўніверсітэта імя Янкі Купалы, у склад якой увайшлі выкладчыкі і студэнты факультэта псіхалогіі і педагагічнага факультэта.
Купалаўцы прынялі ўдзел у інтэрактыўнай выставе дасягненняў у галіне навукова-даследчай дзейнасці суб'ектаў вучэбна-навукова-інавацыйнага кластара бесперапыннай педагагічнай адукацыі. Так, у рамках тэматычных пляцовак была прадстаўлена навуковая школа доктара педагагічных навук, прафесара В.П. Таранцея і навуковая школа доктара псіхалагічных навук, прафесара С.В. Кандрацьевай. На пляцоўцы «Маладыя навукоўцы кластара» прадстаўнікі педагагічнага факультэта прэзентавалі навукова-даследчую дзейнасць аспірантаў і магістрантаў, а факультэта псіхалогіі - дзейнасць Студэнцкага навуковага таварыства факультэта, супрацоўніцтва са Студэнцкім навуковай супольнасцю факультэтаў дашкольнай адукацыі і псіхалогіі БДПУ імя Максіма Танка і фестываль практычнай псіхалогіі «Свет псіхалогіі і псіхалогія ў свеце».
Таксама акадэмічная супольнасць купалаўскага ўніверсітэта наведала «Залатыя лекцыі» па псіхолага-педагагічных навуках вядомых навукоўцаў вучэбна-навукова-інавацыйнага кластара бесперапыннай педагагічнай адукацыі. А ў рамках Рэспубліканскага кірмашу інавацыйных праектаў студэнтаў і маладых навукоўцаў у сацыяльна-адукацыйнай сферы былі прадстаўлены лепшыя інавацыйныя распрацоўкі магістрантаў і студэнтаў ГрДУ імя Янкі Купалы.
Па выніках фестывалю ўсе ўдзельнікі атрымалі сертыфікаты і дыскі з матэрыяламі аб інтэрактыўнай выставе дасягненняў у галіне навукова-даследчай дзейнасці.
З усімі навінамі факультэта псіхалогіі можна азнаёміцца тут.
З усімі навінамі педагагічнага факультэта можна азнаёміцца тут.
Гродзенскі дзяржаўны ўніверсітэт імя Янкі Купалы