На факультэце матэматыкі і інфарматыкі Гродзенскага дзяржаўнага ўніверсітэта імя Янкі Купалы 10 лістапада 2016 года адбыўся math-battle «УІР ў свеце вышэйшай матэматыкі і тэорыі верагоднасцяў».
Адзначым, што ўжо на працягу другога навучальнага года дацэнты кафедры фундаментальнай і прыкладной матэматыкі Алена Сяцько, Марына Ганчарова і Канстанцін Сматрыцкі арганізуюць і праводзяць матэматычныя спаборніцтвы ў форме конкурсаў вясёлых і знаходлівых, а таксама батлаў і квэстаў пад дэвізам «Матэматыка - гэта вельмі карысна, займальна і цікава, і ніколькі не страшна!».
- Сюжэтнай лініяй апошняй бітвы паслужыла гісторыя развіцця тэорыі верагоднасці як навукі. Студэнты з дапамогай выразных сродкаў прэзентацыі разважалі пра тое, як верагоднасць аказвае ўплыў на наша жыццё, дэкламавалі вершы ўласнага сачынення, развіваючы тэму «Верагоднасць, як шмат у гэтым слове для сэрца нашага злілося ...», а капітаны спаборнічалі ў конкурсе маналогаў «Як у маё жыццё ўвайшла щмоўная верагоднасць », - распавяла Марына Ганчарова.
Цэнтральным звяном гульні стала матэматычная бітва па рашэнні стандартных задач і задач павышанага ўзроўню па схеме, падрыхтаванай студэнтамі 3 курса спецыяльнасці «Упраўлле інфармацыйнымі рэсурсамі» пад кіраўніцтвам Анастасіі Вусік. Таксама ў правядзенні мерапрыемства актыўны ўдзел прынялі і студэнты факультэта эканомікі і кіравання Вікторыя Мядзведзева, Ілля Белагузаў і Вольга Канюшок.
З усімі навінамі факультэта матэматыкі і інфарматыкі можна азнаёміцца тут.
Гродзенскі дзяржаўны ўніверсітэт імя Янкі Купалы