З 9 лютага па 11 лютага праводзіўся самы масавы ў Беларусі забег, які даў старт дабрачыннаму праекту #velcombegom: «Зімовыя бегавыя гульні». Бегавая ініцыятыва была заклікана падтрымаць беларускіх спартсменаў, дапамагчы дзецям з інваліднасцю, папулярызаваць здаровы лад жыцця і развіць бегавую культуру ў Беларусі.
Да акцыі далучыліся куратары і студэнты Юрыдычнай клінікі Гродзенскага дзяржаўнага ўніверсітэта імя Янкі Купалы. Старшы выкладчык кафедры працоўнага і сацыяльнага права Наталля Рамульт, старшы выкладчык кафедры міжнароднага права Дар'я Івінская і студэнты юрыдычнага факультэта Вольга Пяшкун, Дар'я Мурашка, Аляксандр Ламака, Дыяна Глухава і Арцём Літвінчук 10 лютага прынялі ўдзел у забегу, які стартаваў побач з адным з гандлёвых цэнтраў горада.
– Можам сказаць, што забег быў няпросты! Былі дыстанцыі ў 5 км, 10 км, 15 км і 20 км. Кожны з нас прабег 5 км, але асобна можна адзначыць праяўленую вытрымку нашага студэнта-клініцыста Аляксандра Ламака, які прабег больш за 8 км. Гэта быў лепшы вынік забегу ад Юрыдычнай клінікі. У суме мы прабеглі 39 кіламетраў і накіравалі на дабрачынныя мэты больш за 80 рублёў! - падзялілася куратар Юрыдычнай клінікі, старшы выкладчык кафедры працоўнага і сацыяльнага права Наталля Рамульт.
Па выніках акцыі куратарам і студэнтам Юрыдычнай клінікі ўручылі сертыфікаты ўдзельнікаў прабегу.
З усімі навінамі юрыдычнага факультэта можна азнаёміцца тут.
Гродзенскі дзяржаўны ўніверсітэт імя Янкі Купалы