Разам са старшым выкладчыкам кафедры рускай мовы як замежнай і лінгвістычных дысцыплін Ірынай Рыгораўнай Краскоўскай замежныя слухачы факультэта даўніверсітэцкай падрыхтоўкі ГрДУ імя Янкі Купалы, якія прыехалі на навучанне з Лівана, Кітая, В'етнама, Туркменістана і Уганды, пабывалі ў доме-музеі беларускага паэта Максіма Багдановіча.
На экскурсіі студэнтам распавялі пра жыццё і творчасць паэта, прачыталі яго вершы, паказалі асабістыя рэчы, лісты і сямейныя фатаграфіі.
Замежным слухачам асабліва спадабаліся мемарыяльныя пакоі: кабінет бацькі, пакой маці, дзіцячы пакой і гасцёўня дома, у якім некаторы час жыў Максім Багдановіч. Антыкварны буфет з унікальнай разьбой, рэдкі ў наш час музычны інструмент - фісгармонія, самавар, вялікія падлогавы гадзіннік і іншыя прадметы інтэр'еру канца XIX - пачатку XX стст. перадалі атмасферу таго часу.
У канцы сустрэчы экскурсавод прапанавала замежнікам загадаць жаданне перад рэліквіяй сям'і паэта - старадаўнім люстэркам.
З усімі навінамі факультэта даўніверсітэцкай падрыхтоўкі можна азнаёміцца тут.
Гродзенскі дзяржаўны ўніверсітэт імя Янкі Купалы