У галерэі «Universum» ГрДУ імя Янкі Купалы 15 лютага 2016 года адбылося ўрачыстае адкрыццё фотавыстаўкі «Новы погляд».
З прывітальным словам да прысутных звярнуліся прарэктар па выхаваўчай працы Васілій Васільевіч Сянько і дэкан факультэта мастацтваў і дызайну Людміла Осіпаўна Чарнілоўская. Госці свята пажадалі аўтарам работ поспеху, а аматарам і знатакам мастацтва - прыемных і запамінальных уражанняў.
Экспазіцыя выставы прадстаўлена серыяй фотапартрэтаў, якія зрабілі выпускнікі студыі фатаграфіі і дызайну факультэта мастацтваў і дызайну. Студэнты адзначылі: «Тое, што гледачы ўбачылі ці яшчэ ўбачаць на выставе - гэта людзі вакол нас, нашы родныя, сябры, знаёмыя. І ўсё гэта разам - вобраз нашага сучасніка».
З усімі навінамі факультэта мастацтваў і дызайну можна азнаёміцца тут.
Гродзенскі дзяржаўны ўніверсітэт імя Янкі Купалы