У Купалаўскім універсітэце адбылося пасяджэнне Савета маладых адмыслоўцаў. Удзельнікамі мерапрыемства сталі маладыя спецыялісты з ліку прафесарска-выкладчыцкага саставу і спецыялістаў структурных падраздзяленняў універсітэта. Да ўдзелу ў мерапрыемстве далучыліся і настаўнікі маладых спецыялістаў.
З прывітальным словам і парадай да маладых спецыялістаў звярнуўся першы прарэктар Аляксандр Карэўскі, які падкрэсліў, што адным з прыярытэтных напрамкаў кадравай палітыкі ўніверсітэта з'яўляецца прыцягненне ва ўніверсітэт і замацаванне маладых спецыялістаў, работа з таленавітай моладдзю.
Прарэктар расказаў аб магчымасцях для раскрыцця патэнцыялу маладых спецыялістаў і падтрымцы іх ініцыятыў з боку адміністрацыі ўніверсітэта. Акцэнтаваў увагу ўдзельнікаў на карпаратыўных каштоўнасцях Купалаўскага ўніверсітэта як аснове карпаратыўнай культуры і карпаратыўнага менеджменту.
Таксама на парадку дня быў шэраг актуальных пытанняў: "Моладзь - знак якасці краіны", "Моладзь у грамадска-палітычным жыцці краіны", "Прафілактыка дэструктыўных праяў у маладзёжным асяроддзі ва ўмовах выклікаў сучаснага свету", акрамя таго, размова ішла аб рабоце Савета маладых спецыялістаў у 2023/2024 навучальным годзе.
Дзейнасць Савета маладых спецыялістаў Купалаўскага ўніверсітэта накіравана на дапамогу ў адаптацыі і замацаванні маладых спецыялістаў ва ўніверсітэце, садзейнічанне іх прафесійнаму і кар'ернаму росту за кошт забеспячэння ўдзелу ў грамадскім жыцці, прапаганду прынцыпаў карпаратыўнай культуры, дапамогу ў вырашэнні розных сацыяльных праблем.
Гродзенскі дзяржаўны ўніверсітэт імя Янкі Купалы