З 25 па 29 красавіка 2016 года ў сталовай № 1 Гродзенскага дзяржаўнага ўніверсітэта імя Янкі Купалы (вул. Ажэшкі, 22) пройдзе Тыдзень савецкай кухні.
На працягу гэтых дзён супрацоўнікі, выкладчыкі і студэнты ВНУ змогуць паспрабаваць стравы, якія ў свой час рыхтавалі кухары Савецкага Саюза. У меню салата «Вінегрэт», супы «Боршч», «Расольнік "Ленінградскі"», рыба па-руску, лянівыя варэнікі, галлё, ватрушкі, кулябякі і многае іншае.
Варта адзначыць, што з лютага гэтага года ў сталовай штотыдзень па чацвяргах праводзяць дні нацыянальнай кухні. Купалаўцы ўжо прадэгуставалі стравы беларускай, рускай, украінскай, італьянскай, грэцкай, польскай, чэшскай і туркменскай кухняў. Акрамя таго, прыхільнікі здаровага ладу жыцця ацанілі карысныя стравы ў Дзень здаровага харчавання.
Супрацоўнікі сталовай запрашаюць усіх на Тыдзень савецкай кухні!