У Гродзенскім дзяржаўным універсітэце імя Янкі Купалы 22 мая адбудзецца ⅩVI міжвузаўская студэнцкая навукова-практычная канферэнцыя «Мастацтва ў кантэксце культуры: камунікатыўны аспект».
У рамках канферэнцыі будуць абмяркоўвацца актуальныя тэмы, якія датычацца сучасных тэндэнцый і праблем развіцця мастацтва і культуры, ролі выяўленчага мастацтва ў захаванні самабытнасці культуры, перспектыўных напрамкаў развіцця дызайну, а таксама тэндэнцый развіцця музычнага мастацтва ў сучасным свеце.
Студэнтаў, магістрантаў і аспірантаў усіх устаноў вышэйшай адукацыі запрашаюць узяць удзел у мерапрыемстве. Канферэнцыя пройдзе ў дыстанцыйным і вочным фарматах, што дазволіць удзельнікам прадставіць свае даклады як у рэжыме відэаканферэнцыі на платформе Microsoft Teams, так і вочна. Не выпусціце магчымасць падзяліцца сваімі даследаваннямі і даведацца шмат новага ад калег з іншых універсітэтаў!
З падрабязнай інфармацыяй можна пазнаёміцца ў інфармацыйным пісьме.
Гродзенскі дзяржаўны ўніверсітэт імя Янкі Купалы