Завяршылася чарговая сесія школы медыяпісьменнасці "МедыяГід" у Купалаўскім універсітэце. Навучэнцы 5-9 класаў сталі сапраўднымі даследчыкамі свету журналістыкі, пагрузіўшыся ў захапляльны працэс пазнання і творчасці. Арганізатарам праекту выступае кафедра журналістыкі факультэта гісторыі, камунікацыі і турызму.
У рамках школы прайшлі тры займальныя майстар-класы: «Новыя журналісцкія жанры», «Лонгрыд як фармат мультымедыйнай журналістыкі» і практычныя заняткі па стварэнні лонгрыда на платформе «Тыльда». Рабяты не толькі даведаліся аб новых тэндэнцыях у журналістыцы, але і самі прымянілі атрыманыя веды, ствараючы ўнікальныя праекты.
Арганізатары школы ўдзялялі асаблівую ўвагу развіццю творчага мыслення ва ўдзельнікаў. Рабяты пісалі тэксты, вярсталі сайты, стваралі фота- і відэаматэрыялы, раскрываючы свой патэнцыял і набываючы каштоўны досвед.
Усе ўдзельнікі восеньскага сезона "МедыяГіда" былі ўзнагароджаны сертыфікатамі аб заканчэнні школы медыяпісьменнасці. Асноўная мэта арганізатараў восеньскай школы - падрыхтаваць падрастаючае пакаленне да асноў медыяграматнасці, навучыць сеткаваму этыкету, дапамагчы адрозніваць праўдзівую інфармацыю і фэйкі. Не менш важна фармаваць культуру спажывання і вытворчасці інфармацыі.
Гродзенскі дзяржаўны ўніверсітэт імя Янкі Купалы