У Гродзенскім дзяржаўным універсітэце імя Янкі Купалы 14 мая 2016 года адбудзецца традыцыйны форум "Перспектывы здольнай і таленавітай моладзі" для выпускнікоў устаноў агульнай сярэдняй адукацыі Гродзенскай вобласці.
Для рабят будзе арганізавана насычаная праграма: выступяць прадстаўнікі органаў улады, студэнты-удзельнікі форумаў мінулых гадоў, творчыя калектывы ВНУ і адбудзецца ўзнагароджанне ўдзельнікаў VII форуму імяннымі сертыфікатамі. Студэнты-купалаўцы правядуць для выпускнікоў школ экскурсіі па факультэтах, дзе адбудуцца круглыя сталы, майстар-класы, трэнінгі, конкурсы і іншыя пазнавальныя мерапрыемствы.
Пачатак VII форуму "Перспектывы здольнай і таленавітай моладзі" у 11.00 па адрасе г. Гродна, вул. Ажэшкі, 22 (медыякомплекс).
Праграму правядзення Форума гл. у дадатку.