Запрашаем усіх студэнтаў, выкладчыкаў і супрацоўнікаў Гродзенскага дзяржаўнага ўніверсітэта імя Янкі Купалы далучыцца да захапляльнай спартыўнай падзеі. Ужо ў гэты чацвер стартуе 11-ты адкрыты турнір па валейболе сярод жаночых каманд, прысвечаны памяці заслужанага трэнера В.М. Карчэўскага.
Удзел у турніры прымуць чатыры каманды - «Камунальнік-ГрДУ» з Гродна, «Атлант» з Баранавіч, «Лілея-Наваполацк», «Жамчужына Палесся» з Мазыра.
Прыходзьце падтрымаць нашу каманду «Камунальнік-ГрДУ», атрымаць асалоду ад захапляльнай гульні і акунуцца ў незабыўную атмасферу спартыўнага свята!
Спаборніцтвы пачнуцца ў чацвер, 5 верасня, у 14.00, у спартыўнай зале ГрДУ імя Янкі Купалы па вуліцы Захарава, 32.
Гродзенскі дзяржаўны ўніверсітэт імя Янкі Купалы