17 кастрычніка ў Купалаўскім універсітэце прайшлі спаборніцтвы па шахматах сярод навучэнцаў у рамках круглагадовай спартакіяды-2024/2025. Гэты дзень быў напоўнены стратэгіяй, інтрыгай і разумовымі паядынкамі, якія пакінуць свой след у памяці ўдзельнікаў.
Па выніках напружаных бітваў, месцы размеркаваліся наступным чынам: найвышэйшую прыступку пастамента заняў факультэт эканомікі і кіравання. Заслужанае другое месца дасталася факультэту матэматыкі і інфарматыкі. Нарэшце, трэцяе месца ўпэўнена заняў факультэт біялогіі і экалогіі, паказаўшы, што ўменне аналізаваць і прымаць рашэнні важна не толькі ў навуковай рабоце, але і ў шахматных паядынках.
Гэтыя спаборніцтвы садзейнічаюць развіццю разумовых здольнасцей студэнтаў. Шахматы, як лагічная гульня, вучаць нас планаваць, аналізаваць сітуацыю, прадбачыць хады саперніка і прымаць узважаныя рашэнні.
Гродзенскі дзяржаўны ўніверсітэт імя Янкі Купалы