На працягу трох дзён прэтэндэнты на званне «Студэнт года» спаборнічалі ў конкурсах, якія закліканы максімальна раскрыць іх патэнцыял. Заўтра, 21 кастрычніка, стане вядома, хто ж самы-самы з канкурсантаў.
Перш чым змагацца на галоўнай сцэне Купалаўскага ўніверсітэта за званне «Студэнт года», канкурсанты праходзяць нямала выпрабаванняў. Спачатку на ўсіх факультэтах праходзяць адборачныя этапы, затым тых, хто прайшоў гэты адбор, чакаюць іншыя выпрабаванні.
У першы дзень фінальнага этапу канкурсанты прадставілі на суд журы відэаролікі на тэму «Я - студэнт». Кожны з рабят падышоў крэатыўна да адлюстравання зададзенай тэмы. У роліках купалаўцы распавядалі пра тое, якое яно, студэнцкае жыццё. Былі і гумарыстычныя замалёўкі, і філасофскія ролікі.
На наступны дзень студэнты прынялі ўдзел у конкурсе праектаў «Моладзевая ініцыятыва». Кожны з канкурсантаў павінен быў прапанаваць распрацоўку, прысвечаную рашэнню пэўнай сацыяльнай праблемы. І гэта не проста ідэі, а рэальныя стартапы, з выразна прапісанай структурай і планам.
Студэнт года абавязкова павінен валодаць выдатнымі прамоўніцкімі якасцямі, каб гучна заяўляць пра сябе і не баяцца выступаць на публіцы. Таму сёння, 20 кастрычніка, студэнты прынялі ўдзел у конкурсе аратарскага майстэрства. Усе выступленні былі аб'яднаны адной тэмай - «Універсітэт тваіх магчымасцяў». Кожны з канкурсантаў распавёў, як ён выкарыстоўвае тыя шанцы, што дае ім родны ўніверсітэт, чаму яны тут навучыліся і як будуць прымяняць атрыманыя веды на практыцы.
У заключным этапе конкурсу прымуць удзел 9 купалаўцаў:
Cтудэнтка 4 курса фізіка-тэхнічнага факультэта Анастасія Бобніс
![1 Анастасия Бобнис физико технический 4 курс](/images/gallery/2021/10/19student_goda/1_Анастасия_Бобнис_физико_технический_4_курс.JPG)
Cтудэнтка 3 курса факультэта псіхалогіі Вікторыя Вільчэўская
![2 Виктория Вильчевская психологии 3 курс](/images/gallery/2021/10/19student_goda/2_Виктория_Вильчевская_психологии_3_курс.JPG)
Cтудэнтка 3 курса юрыдычнага факультэта Кацярына Прохарава
![3 Екатерина Прохорова юридический 3 курс](/images/gallery/2021/10/19student_goda/3_Екатерина_Прохорова_юридический_3_курс.JPG)
Студэнт 2 курса факультэта гісторыі, камунікацыі і турызму Марк Тодрык
![4 Марк Тодрик истории коммуникации и туризма2 курс](/images/gallery/2021/10/19student_goda/4_Марк_Тодрик_истории_коммуникации_и_туризма2_курс.jpg)
Cтудэнтка 3 курса факультэта гісторыі, камунікацыі і турызму Лізавета Дазорцава
![5 Елизавета Дозорцева истории коммуникации и туризма3 курс](/images/gallery/2021/10/19student_goda/5_Елизавета_Дозорцева_истории_коммуникации_и_туризма3_курс.JPG)
Cтудэнтка 2 курса філалагічнага факультэта Лізавета Фёдарава
![6 Елизавета Фёдорова филологический 2 курс](/images/gallery/2021/10/19student_goda/6_Елизавета_Фёдорова_филологический_2_курс.jpg)
Cтудэнтка 2 курса фізіка-тэхнічнага факультэта Паліна Ліс
![7 Полина Лис физико технический 2 курс](/images/gallery/2021/10/19student_goda/7_Полина_Лис_физико_технический_2_курс.JPG)
Студэнтка 3 курса педагагічнага факультэта Эліна Вялесік
![8 Элина Велесик педагогический 3 курс](/images/gallery/2021/10/19student_goda/8_Элина_Велесик_педагогический_3_курс.JPG)
Студэнт 2 курса факультэта інавацыйных тэхналогій машынабудавання Мікіта Нічыпар
![9 Никита Ничипор инновационных технологий машиностроения](/images/gallery/2021/10/19student_goda/9_Никита_Ничипор_инновационных_технологий_машиностроения.JPG)