Навучальныя курсы маладзёжнага прафсаюзнага актыву «Ідэалагічныя, сацыяльна-эканамічныя і прававыя аспекты работы арганізацый у сучасных умовах» наведалі старшыня цэхавай прафсаюзнай арганізацыі факультэта эканомікі і кіравання Мікіта Грышчэня і намеснік старшыні цэхавай прафсаюзнай арганізацыі філалагічнага факультэта Анастасія Кандратовіч. Курсы праходзілі ў Мінску з 9 па 13 верасня.
Курсы маладзёжнага прафсаюзнага актыву сталі каштоўнай крыніцай ведаў аб важнейшых аспектах работы арганізацый у сучасных умовах, ахопліваючы ключавыя тэмы і выклікі, з якімі сутыкаюцца прафсаюзныя актывісты цяпер. Удзельнікі навучальнага мерапрыемства мелі магчымасць абмеркаваць актуальныя пытанні, абмяняцца вопытам і ўмацаваць свае веды ў галіне ідэалогіі, сацыяльна-эканамічных працэсаў і прававых аспектаў, якія датычацца іх дзейнасці ў прафсаюзе.
Праслухаўшы лекцыі, прадстаўнікі актыву Купалаўскага ўніверсітэта даведаліся аб асновах канкурэнтаздольнасці беларускай эканомікі, аб узаемасувязі якасці кантэнту і якасці інфармацыйнай палітыкі.
У рамках мерапрыемства купалаўцы наведалі Нацыянальны алімпійскі камітэт Рэспублікі Беларусь, Музейна-прамысловы цэнтр працоўнай славы ААТ «Мінскі трактарны завод», ААТ «Камволь».
Гродзенскі дзяржаўны ўніверсітэт імя Янкі Купалы