«Ёсць такая прафесія – Радзіму абараняць!». Пад такой назвай праходзіць цыкл прафарыентацыйных мерапрыемстваў ваеннага факультэта. Курсанты і выкладчыкі з пачатку верасня да сакавіка наведаюць дзясяткі школ не толькі Гродзеншчыны, але і іншых абласных цэнтраў.
Курсанты ваеннага факультэта Гродзенскага дзяржаўнага ўніверсітэта імя Янкі Купалы правялі «Адзіны дзень прафарыентацыі» ў Ваўкавыскім раёне пад кіраўніцтвам старшага выкладчыка кафедры тылавога забеспячэння войскаў палкоўніка Вадзіма Яроміна. Мерапрыемства прайшло на базе сярэдняй школы №7 горада Ваўкавыска. Падчас падзеі адбылася выстава, на якой былі прадстаўлены сучасныя ўзоры зброі, ваенная форма і навучальны трэнажор «Скат». Курсанты расказалі пра навучальны працэс на факультэце, пазнаёмілі ўдзельнікаў мерапрыемства з асаблівасцямі падрыхтоўкі афіцэраў.
Таксама курсанты Мікіта Курыла, Аляксей Савіцкі, Уладзіслаў Аблічча правялі прафарыентацыйную працу ў школе №39 імя Івана Данілавіча Лебедзева. У час размовы курсанты падрабязна расказалі вучням аб сваім навучанні на ваенным факультэце, аб побыце курсантаў, падзяліліся распарадкам дня і задачамі, з якімі сутыкаюцца ў паўсядзённым жыцці. Будучыя афіцэры не толькі інфармавалі, але і актыўна адказвалі на пытанні вучняў. Такі вопыт не толькі ўмацоўвае сувязь паміж пакаленнямі, але і натхняе старшакласнікаў на выбар будучай прафесіі, паказваючы, што служба ў арміі з'яўляецца не толькі абавязкам, але і сапраўдным прызваннем.
Курсант чацвёртага курса Ягор Красноўскі сумесна з палкоўнікам юстыцыі Андрэем Сямёнавым правялі прафарыентацыйную работу ў Вялікабераставіцкай сярэдняй школе імя С.А. Прытыцкага. У час сустрэчы ўдзельнікі абмяркоўвалі ўмовы паступлення на ваенны факультэт. Курсант падзяліўся досведам, апісаўшы распарадак дня, вучобу і атмасферу на факультэце. Навучэнцы маглі задаваць пытанні аб жыцці курсантаў і кар'ерных магчымасцях.
Старшы выкладчык кафедры тэорыі і арганізацыі фізічнай падрыхтоўкі ваеннаслужачых, падпалкоўнік Ігар Таўкач правёў прафарыентацыйную работу ў сярэдняй школе нумар 16 горада Гродна. У ходзе размовы са школьнікамі ён расказаў аб парадку прыёму дакументаў, структуры ваеннага факультэта, вучэбна-матэрыяльнай базе, жыцці і побыце курсантаў.
Курсант другога курса Аляксей Арэшкін правёў прафарыентацыйную работу ў сярэдняй школе нумар 2 горада Гродна. Падчас сустрэчы юнакі і дзяўчаты азнаёміліся з парадкам паступлення і тонкасцямі ваеннай службы на факультэце, умовамі навучання і пражывання курсантаў.
Начальнік тылавой кафедры ваеннага факультэта палкоўнік Дзяніс Нахват сумесна з курсантам 4-га курса Вадзімам Белым правялі прафарыентацыйную работу ў ДУА «Сярэдняя школа № 3 і гімназія № 1 п. Зэльва». У час прафарыентацыі ўдзельнікі сустрэчы абмяркоўвалі паступленне на ваенны факультэт, прахадныя балы і жыццё курсантаў. Прадстаўнікі ваеннага факультэта падзяліліся досведам, апісаўшы распарадак дня, вучобу і атмасферу на факультэце. Навучэнцы маглі задаваць пытанні аб жыцці курсантаў і кар'ерных магчымасцях.
Гродзенскі дзяржаўны ўніверсітэт імя Янкі Купалы