У пачатку снежня прадстаўнікі факультэта мастацтваў і дызайну ГрДУ імя Янкі Купалы актыўна ўдзельнічалі ў некалькіх значных мерапрыемствах, якія падкрэсліваюць высокі ўзровень падрыхтоўкі студэнтаў і выкладчыкаў у галіне дызайну.
3 і 4 снежня ў Санкт-Пецярбургскім дзяржаўным універсітэце прамысловых тэхналогій і дызайну прайшоў IV Міжнародны форум графічнага дызайну. У рамках форуму старшы выкладчык кафедры дызайну Наталля Паўленка выступіла з дакладам "Інтэнсіфікацыя навучання праз інавацыйныя формы выкладання ў сферы дызайну" на X Міжнароднай навукова-практычнай канферэнцыі "Графічны дызайн: традыцыі і інавацыі".
Уладзіслаў Швед і Лізавета Мельніковіч, студэнты спецыяльнасці "Дызайн" (па напрамках), прадаставілі свае праекты для Міжнароднай выставы-конкурсу студэнцкіх дызайн-праектаў, курсавых і дыпломных работ у галіне графічнага дызайну "Майстар і вучань".
Анлайн-удзел у гэтым мерапрыемстве таксама прынялі Андрэй Мацко, Надзея Афонькіна і Дзіяна Наско. Праекты студэнтаў-купалаўцаў атрымалі высокую ацэнку кампетэнтнага журы. Дыпломам ІІІ ступені ўзнагароджаны студэнт 4 курса Андрэй Мацко за распрацоўку рэдызайна вэб-сайта электроннага навукова-метадычнага часопіса Гродзенскага дзяржаўнага ўніверсітэта імя Янкі Купалы “Універсітэт адукацыйных інавацый”. Дыпломам удзельніка выставы «Майстар і вучань» адзначаны студэнт 3 курса Уладзіслаў Швед за распрацоўку фірмовага стылю культурных інстытуцый.
У рамках работы форуму студэнты наведалі Міжнародную выставу творчых работ выкладчыкаў і дызайнераў "Дыялог 12: Традыцыі і наватарства ў сучасным мастацтве", майстар-класы і мультымедыйную выставу "Мой Пецярбург", пабывалі на комплекснай экскурсійнай праграме "Свет Ленфільма", на імерсіўнай інсталяцыі «Зніклыя ў кінахроніцы», прысвечанай дзейнасці кінааператараў падчас Вялікай Айчыннай вайны, пазнаёміліся з перадавымі імерсіўнымі тэхналогіямі ў Лабараторыі віртуальнай моды і лічбавага дызайну СПбГУПТД.
Адзначым, што за подпісам дырэктара Інстытута графічнага дызайну Аліны Сухаравай была перададзена «Падзяка рэктару ГрДУ імя Янкі Купалы Ірыне Кітурка за садзейнічанне ў арганізацыі мерапрыемстваў форуму з надзеяй на далейшае супрацоўніцтва».
6 снежня падвялі вынікі Міжнароднага конкурсу студэнцкіх работ "Прастора пошуку і майстэрства", які прайшоў у Кропцы кіпення "ПрамТэхДызайн". Гэты конкурс стаў значнай падзеяй у рамках Міжнароднага дызайн-форуму "Прастора і аб'ект у дызайне", арганізаванага Санкт-Пецярбургскім дзяржаўным універсітэтам прамысловых тэхналогій і дызайну.
Студэнты з розных краін прадэманстравалі свае працы, дэманструючы высокі ўзровень крэатыўнасці і прафесіяналізму. Конкурс ахапіў шырокі спектр тэм і напрамкаў, у тым ліку графічны дызайн, мультымедыйныя тэхналогіі, а таксама новыя падыходы ў праектаванні аб'ектаў і прасторы.
Асаблівую ўвагу прыцягнула праца Анастасіі Крыўчыкавай, студэнткі 1 курса спецыяльнасці "Графічны дызайн і мультымедыядызайн" факультэта мастацтваў і дызайну ГрДУ імя Янкі Купалы. Яе праект "Скарбы Беларусі" быў удастоены дыплома I ступені, што падкрэслівае талент і ўпартасць маладога дызайнера. Праца Анастасіі не толькі вылучалася сваім арыгінальным падыходам, але і дэманстравала глыбокае разуменне нацыянальнай сімволікі і эстэтыкі.
Удзел купалаўцаў у такіх прэстыжных конкурсах дае магчымасць не толькі прадэманстраваць свае навыкі, але і атрымаць каштоўны вопыт узаемадзеяння з прафесіяналамі з іншых краін.
.jpg)
Гродзенскі дзяржаўны ўніверсітэт імя Янкі Купалы