У рамках правядзення прафарыентацыйнага інтэнсіву «PROF-вакацыі ў Купалаўскім універсітэце: зімовы сезон» інжынерны факультэт прыняў у сваіх сценах навучэнцаў школ горада Гродна.
Сустрэчу з навучэнцамі правёў дэкан інжынернага факультэта Дзмітрый Ліннік. Ён расказаў аб рабоце факультэта, дзеючых спецыяльнасцях, паказаў лабараторыі.
Адбылася экскурсія на філіял “Аўтацэнтр “Флагман”, якую правялі для навучэнцаў гімназіі №9 імя Ф.П. Кірычэнка. Яна прайшла пад кіраўніцтвам старшага выкладчыка кафедры машыназнаўства і тэхнічнай эксплуатацыі аўтамабіляў Аляксандра Казьміна. У ходзе экскурсіі юнакі і дзяўчаты змаглі паглядзець ужывую ўсе дэталі аўтамабіляў, замацаваць тэарэтычныя веды на практыцы.
Таксама на інжынерным факультэце прайшла бізнес-гульня "Бізнес-адміністраванне і фінансы". Правяла мерапрыемства дацэнт кафедры лагістыкі і метадаў кіравання Юлія Крупенка, якая таксама расказала пра спецыяльнасці факультэта і адказала на пытанні, якія цікавяць рабят. Часткай падзеі сталі навучэнцы СШ №32 імя Т.Г. Ларыёнавай горада Гродна.
Прафарыентацыйная работа адыгрывае важную ролю ў вызначэнні прафесійных інтарэсаў школьнікаў. Яна дапамагае звузіць круг варыянтаў, зрабіць усвядомлены выбар прафесіі, які прастымулюе самаразвіццё, паспрыяе паспяховай сацыяльнай адаптацыі і павысіць упэўненасць у сабе.
Гродзенскі дзяржаўны ўніверсітэт імя Янкі Купалы