Гродзенскі дзяржаўны ўніверсітэт імя Янкі Купалы рады запрасіць навучэнцаў школ, гімназій, ліцэяў і каледжаў на Дзень адчыненых дзвярэй факультэта матэматыкі і інфарматыкі. Гэта падзея пройдзе пад дэвізам "Мы вылічым тваю дарогу да поспеху!" і абяцае стаць займальнай і пазнавальнай.
Прафарыентацыйнае мерапрыемства пройдзе 1 сакавіка ў 11.00 у галоўным корпусе ГрДУ імя Янкі Купалы па адрасе: вул. Ажэшкі, 22.
На мерапрыемстве ўдзельнікі змогуць даведацца пра ўсе спецыяльнасці факультэта: ад тэарэтычнай матэматыкі да праграмавання і інфармацыйных тэхналогій, а таксама пазнаёміцца з будучымі прафесіямі і кар'ернымі магчымасцямі, якія адкрываюцца перад выпускнікамі. У абітурыентаў будзе магчымасць азнаёміцца з умовамі паступлення і навучання, уключаючы інфармацыю аб неабходных дакументах.
Акрамя таго, у школьнікаў і іх бацькоў будзе ўнікальная магчымасць пагутарыць з выкладчыкамі і студэнтамі факультэта, задаць усе пытанні і атрымаць карысныя парады аб тым, як лепш падрыхтавацца да паступлення.
Не ўпусціце шанс зрабіць першы крок да сваёй мары і даведацца больш аб захапляльным свеце матэматыкі і інфарматыкі! Для ўдзелу ў мерапрыемстве неабходна зарэгістравацца па спасылцы!
Гродзенскі дзяржаўны ўніверсітэт імя Янкі Купалы