Аргкамітэт XIII Міжнароднай навукова-практычнай канферэнцыі "Праблемы сучаснай эканомікі: глабальны, нацыянальны і рэгіянальны кантэкст" з задавальненнем запрашае прыняць удзел у гэтай падзеі, якая адбудзецца 29-30 мая на факультэце эканомікі і кіравання Гродзенскага дзяржаўнага ўніверсітэта імя Янкі Купалы. Канферэнцыя пройдзе ў гібрыдным фармаце, што дазволіць удзельнічаць як у вочным, так і ў анлайн-рэжыме.
Мэтай канферэнцыі з'яўляецца абмеркаванне шырокага кола пытанняў, якія датычацца актуальных праблем сучасных тэндэнцый і інавацый у галіне эканомікі, навукі і вытворчасці. Мы імкнемся стварыць платформу для абмену інфармацыяй, апрабаванні новых навуковых ідэй і наладжванні супрацоўніцтва паміж рознымі ўдзельнікамі. Да ўдзелу ў канферэнцыі запрашаюцца вучоныя, выкладчыкі ВНУ, маладыя даследчыкі, прадстаўнікі органаў выканаўчай улады, бізнесу, прафесійных асацыяцый, грамадскіх арганізацый, зацікаўленыя ў абмеркаванні гэтай тэмы.
Канферэнцыя будзе ахопліваць наступныя секцыі: устойлівае развіццё суб'ектаў гаспадарання ва ўмовах лічбавай трансфармацыі; устойлівае развіццё фінансавай сістэмы і бухгалтарскага ўліку ва ўмовах інавацыйнай эканомікі; матэматычныя і інструментальныя метады даследавання сацыяльна-эканамічных працэсаў; электронная эканоміка і ўстойлівае развіццё: сінэргія для глабальнага працэсу ў сусветнай эканоміцы. Рабочыя мовы канферэнцыі: беларуская, руская і англійская.
Па выніках канферэнцыі будзе апублікаваны зборнік навуковых артыкулаў, які рэцэнзуецца і мае стандартны кніжны нумар (ISBN) і зарэгістраваны ў РІНЦ. Гэта дасць магчымасць удзельнікам пашырыць аўдыторыю сваіх даследаванняў і павысіць іх бачнасць.
Для ўдзелу ў навуковым мерапрыемстве неабходна даслаць заяўку і тэкст артыкула да 5 мая. ПАДРАБЯЗНАЯ ІНФАРМАЦЫЯ ТУТ.
Гродзенскі дзяржаўны ўніверсітэт імя Янкі Купалы