Школа працавала на базе факультэта эканомікі і кіравання на мінулым тыдні. Вучні асвоілі інтэнсіў-курс па эканаметрычным аналізе, мадэляванні і прагназаванні. Да заняткаў далучыліся студэнты і выкладчыкі з Іркуцкага дзяржаўнага ўніверсітэта, Расійскага ўніверсітэта транспарта, а таксама з Кыргызскага нацыянальнага ўніверсітэта імя Ж. Баласагына.
Заняткі ў школе прайшлі ў змешаным анлайн- і афлайн-фармаце. Выкладчыкі кафедры матэматычнага і інфармацыйнага забеспячэння эканамічных сістэм правялі лекцыі для слухачоў, трэнінгі і майстар-класы па такіх актуальных тэмах эканаметрычнага аналізу, як мадэляванне і прагназаванне эканамічных дадзеных сродкамі Microsoft Excel, а таксама з дапамогай іншых праграмных пакетаў.
Асаблівая ўвага падчас правядзення летняй школы была нададзена метадам эканаметрычнага і статыстычнага аналізу дадзеных аб сацыяльна-эканамічным развіцці рэгіёнаў, у тым ліку, метадам прасторавай эканаметрыкі для аналізу стану рэгіянальных рынкаў працы, метадам ранжыравання і класіфікацыі рэгіёнаў Рэспублікі Беларусь па паказчыках дзейнасці малых і сярэдніх прадпрыемстваў. .
На сустрэчы з дэканам факультэта эканомікі і кіравання, Марынай Карпіцкай, удзельнікі школы абмеркавалі актуальныя праблемы мадэлявання сацыяльна-эканамічных з'яў ва ўмовах цыфравізацыі, а таксама напрамкі далейшага супрацоўніцтва.
Гродзенскі дзяржаўны ўніверсітэт імя Янкі Купалы