30 лістапада ў Санкт-Пецярбургу падвялі вынікі Фіналу Чэмпіянату па прафесійным майстэрстве "Прафесіяналы". Навучэнка Гуманітарнага каледжа ГрДУ імя Янкі Купалы ў складзе каманды Рэспублікі Беларусь дастойна выступіла і заваявала ўзнагароду.
Урачыстая цырымонія закрыцця Чэмпіянату і ўзнагароджання пераможцаў прайшла ў палацы спорту «СКА Арэна». Арганізатары мерапрыемства – Мінасветы Расіі, Урад Санкт-Пецярбурга. Федэральны аператар – Інстытут развіцця прафесійнай адукацыі. Мерапрыемствы праходзяць пры падтрымцы Урада Расійскай Федэрацыі.
У гэтым годзе ў праекце прынялі ўдзел прадстаўнікі 400 каледжаў Рэспублікі Беларусь, Кіргізскай Рэспублікі, Рэспублікі Арменія, Кітайскай Народнай Рэспублікі і Сірыйскай Арабскай Рэспублікі. Гэтыя краіны найбольш актыўна былі прадстаўлены ў Фінале Чэмпіянату «Прафесіяналы».
Беларускія канкурсанты змагаліся за перамогу ў 16 кампетэнцыях міжнароднага заліку конкурснай праграмы. Па выніках конкурсу сярэбраны медаль і 2 месца міжнароднага заліку спаборніцтваў у кампетэнцыі «Графічны дызайн» атрымала Марыя Піліпчык, навучэнка Гуманітарнага каледжа ГрДУ імя Янкі Купалы. Экспертам-настаўнікам на пляцоўцы выступіла выкладчыца Алена Пракопчык-Бяляўская.
Адзначым, што Фінал Чэмпіянату «Прафесіяналы» арганізаваны ў рамках Усерасійскага чэмпіянату па прафесійным майстэрстве. Рух накіраваны на развіццё кадравага патэнцыялу краіны, фарміраванне супольнасці маладых спецыялістаў у ключавых галінах, выкарыстанне сучасных тэхналогій у сістэме ВПЗ з улікам актуальных запытаў работадаўцаў, дасягненне тэхналагічнага суверэнітэту і эканамічнай стабільнасці Расіі.
Гродзенскі дзяржаўны ўніверсітэт імя Янкі Купалы