28 студзеня, у Міжнародны дзень абароны персанальных звестак, прайшла ўрачыстая цырымонія ўзнагароджання пераможцаў конкурсу на лепшую работу ў сферы абароны персанальных звестак. Студэнт Купалаўскага ўніверсітэта сярод прызёраў конкурсу.
Гэтая значная падзея арганізавана Нацыянальным цэнтрам абароны персанальных звестак Рэспублікі Беларусь, які праводзіць гэтае мерапрыемства ўжо трэці раз. Мэта конкурсу - стымуляваць цікавасць моладзі да пытанняў абароны персанальных даных і прававога рэгулявання ў гэтай галіне.
Удзельнікамі конкурсу сталі студэнты, магістранты, маладыя вучоныя і практыкуючыя юрысты, якія прадставілі свае работы, прысвечаныя важнейшым аспектам прававога рэгулявання відэаназірання і межам апрацоўкі агульнадаступных персанальных даных. У сваіх даследаваннях удзельнікі прааналізавалі як нацыянальны, так і замежны досвед, што дазволіла выявіць лепшыя практыкі і прапанаваць рэкамендацыі па паляпшэнні заканадаўства ў гэтай сферы.
Сярод прызёраў конкурсу - студэнт 4 курса юрыдычнага факультэта ГрДУ імя Янкі Купалы Уладзіслаў Курлянчык, які заняў другое месца ў намінацыі "Лепшая студэнцкая работа". Яго праца была высока ацэнена экспертным журы за глыбокі аналіз і арыгінальны падыход да тэмы, што падкрэслівае важнасць адукацыі ў галіне абароны персанальных звестак.
Малады чалавек адзначыў, што рады быць сярод прызёраў, бо гэта паказвае вынікі яго дзейнасці.
- Ідэя маёй работы "Удасканаленне прававога рэгулявання ў Рэспубліцы Беларусь" заключалася ў тым, каб разгледзець перавагі і недахопы відэаназірання, заснаванага на выкарыстоўванні сістэм штучнага інтэлекту, выпрацаваць рэкамендацыі па ўдасканаленні прававога рэгулявання відэаназірання шляхам унясення змяненняў у дзейнае заканадаўства, распрацоўкі нарматыўна-прававых актаў. - падзяліўся Уладзіслаў.
Дырэктар Нацыянальнага цэнтра абароны персанальных звестак Андрэй Гаеў, узнагароджваючы пераможцаў конкурсу, адзначыў важнасць іх укладу ў развіццё гэтай сферы. Ён таксама падкрэсліў высокі ўзровень конкурсных работ студэнтаў і падтрымаў ініцыятыву канкурсантаў па праходжанні практыкі і стажыроўкі на базе Нацыянальнага цэнтра абароны персанальных звестак.
Конкурс стаў выдатнай платформай для абмену ідэямі і вопытам, а таксама садзейнічаў развіццю прафесійных навыкаў удзельнікаў. Падобныя мерапрыемствы садзейнічаюць фарміраванню прававой культуры і павышэнню дасведчанасці грамадства аб важнасці абароны персанальных даных ва ўмовах сучаснага інфармацыйнага грамадства.
Гродзенскі дзяржаўны ўніверсітэт імя Янкі Купалы