Нягледзячы на інтэнсіўны курс заняткаў, універсанты працягваюць знаёміцца з гісторыяй і культурай Беларусі. У выхадныя дні яны наведалі Мірскі і Нясвіжскі замкі, а таксама пазнаёміліся з архітэктурнымі помнікамі Гродна.
Доктар гістарычных навук, прафесар Гродзенскага дзяржаўнага ўніверсітэта імя Янкі Купалы Дзмітрый Уладзіміравіч Караў правёў з замежнымі слухачамі гутарку-дыскурс, падчас якой яны маглі задаць пытанні па гісторыі, культуры і традыцыях Беларусі ў цэлым і Гродзенскага рэгіёну ў прыватнасці.
Замежныя госці прынялі ўдзел у займальнай гульні - арыентаванне па горадзе, заснаванае на гродзенскіх легендах: у цэнтры горада знаходзяцца падзямеллі. Задачай удзельнікаў было знайсці ключы ад падземных хадоў. Навучэнцы разбіліся на 4 каманды, кожная з якіх ішла па адмыслова распрацаваным маршруце. У розных кропках маршруту іх сустракалі менестрэлі, мастакі, звераловы, ролі якіх паспяхова выканалі валанцёры. Для таго каб атрымаць доступ да ключа, удзельнікам трэба было выканаць шэраг заданняў. Ключы-падказкі і канверты з заданнямі былі схаваныя ў розных месцах горада, пачынаючы ад Каложскай царквы і заканчваючы домам рамеснікаў па вуліцы Ажэшкі.
Пазнаёміліся замежныя слухачы і з народнай творчасцю Беларусі. Майстар-класы правялі гродзенскія ўмеліцы: Вера Генюш патлумачыла тэхналогію выцінанкі, а Галіна Жамчужнікава паказала прыёмы шыцця лялек ручной працы. Разам з замежнымі гасцямі майстрыхі зрабілі карціны і лялек-дамавікоў, якіх замежныя госці павязуць на радзіму.
Працягам знаёмства з беларускім побытам і культурай стала экскурсія ў салон-майстэрню рамеснікаў, якая размешчана ў вёсцы Каробчыцы. Замежныя навучэнцы з цікавасцю разглядалі прадметы традыцыйнага беларускага інтэр'еру. На майстар-класе па саломапляценні госці вырабілі сувеніры - саламяныя зоркі. Таксама замежнікі паспрабавалі працаваць на ткацкім станку канца ХIХ - пачатку ХХ стагоддзя.
Побач з Каложскай царквой прайшло выступленне клуба славянскіх адзінаборстваў «Арыдан», удзельнікі якога не толькі прадэманстравалі добрую спартыўную падрыхтоўку і веданне гісторыі Беларусі, але і ўцягнулі ў традыцыйныя славянскія гульні замежных гасцей.
На Кургане Славы ўдзельнікі Летняй школы даведаліся гісторыю заснавання гэтага мемарыяльнага комплексу, пабывалі ў парку ваеннай тэхнікі пад адкрытым небам. На кіналекторыі замежным гасцям быў прапанаваны прагляд фільма «Белыя росы», здымкі якога праходзілі ў нашым горадзе.
На працягу выхадных дзён замежных гасцей чакае займальная экскурсійная праграма: у суботу яны пабываюць у сталіцы Беларусі - горадзе Мінск, а ў нядзелю адправяцца ў нацыянальны запаведнік «Белавежская пушча».
Майстар-клас па выцінанцы правяла з замежнымі гасцямі ў рамках Летняй школы рускай мовы пры ГрДУ імя Янкі Купалы гродзенская майстрыха Вера Генюш
Замежныя госці выразаюць выцінанкі
У канцы майстар-класа па выцінанцы замежныя слухачы Летняй школы рускай мовы пры ГрДУ імя Янкі Купалы паказалі свае вынікі
Майстар-клас па пашыве лялек-дамавікоў правяла з замежнымі гасцямі ў рамках Летняй школы рускай мовы пры ГрДУ імя Янкі Купалы гродзенская майстрыха Галіна Жамчужнікава
Замежныя навучэнцы Летняй школы рускай мовы пры ГрДУ імя Янкі Купалы і іх лялькі-дамавікі
Замежныя госці ў рамках Летняй школы рускай мовы пры ГрДУ імя Янкі Купалы прынялі ўдзел у займальнай гульні - арыентаванне па горадзе, заснаванае на гарадзенскіх легендах
Замежныя госці ў рамках Летняй школы рускай мовы пры ГрДУ імя Янкі Купалы прынялі ўдзел у займальнай гульні - арыентаванне па горадзе, заснаванае на гарадзенскіх легендах
Побач з Каложскай царквой прайшло выступленне клуба славянскіх адзінаборстваў «Арыдан», удзельнікі якога прадэманстравалі добрую спартыўную падрыхтоўку і ўцягнулі ў традыцыйныя славянскія гульні замежных гасцей
Замежная госця і ўдзельнікі клуба славянскіх адзінаборстваў ГрДУ імя Янкі Купалы «Арыдан»
Замежныя госці і ўдзельнікі клуба славянскіх адзінаборстваў ГрДУ імя Янкі Купалы «Арыдан»
Працягам знаёмства з беларускім побытам і культурай стала экскурсія ў салон-майстэрню рамеснікаў, якая размешчана ў вёсцы Каробчыцы
У выхадныя дні замежныя слухачы Летняй школы рускай мовы ГрДУ імя Янкі Купалы наведалі Мірскі і Нясвіжскі замкі
На майстар-класе па саломапляценні замежныя навучэнцы Летняй школы рускай мовы ГрДУ імя Янкі Купалы вырабілі сувеніры - саламяныя зоркі
Замежныя госці паспрабавалі працаваць на ткацкім станку канца ХIХ - пачатку ХХ стагоддзя ў вёсцы рамеснікаў
Замежныя слухачы Летняй школы рускай мовы ГрДУ імя Янкі Купалы прымерылі нацыянальныя галаўныя ўборы
У выхадныя дні замежныя слухачы Летняй школы рускай мовы ГрДУ імя Янкі Купалы наведалі Мірскі і Нясвіжскі замкі
У выхадныя дні замежныя слухачы Летняй школы рускай мовы ГрДУ імя Янкі Купалы наведалі Мірскі і Нясвіжскі замкі
Замежныя госці ў вёсцы рамеснікаў
Гродзенскі дзяржаўны ўніверсітэт імя Янкі Купалы