20 снежня на факультэце эканомікі і кіравання ГрДУ імя Янкі Купалы адбылося самае душэўнае мерапрыемства – навагодні дабрачынны кірмаш «Прыкладзі руку да добрых спраў». Гэта падзея сабрала студэнтаў, супрацоўнікаў і ўсіх жадаючых, якія аб'ядналіся дзеля добрай мэты.
Арганізатарамі кірмашу выступілі члены ВА ГА «БСЖ» Гродзенскага дзяржаўнага ўніверсітэта імя Янкі Купалы. Купалаўцы прапанавалі разнастайныя вырабы ручной работы, уключаючы унікальныя прадметы творчасці, яркія навагоднія ўпрыгожанні, а таксама смачную выпечку і іншыя святочныя пачастункі. Кожны мог знайсці нешта на свой густ, а таксама падтрымаць дабрачыннасць.
Дабрачынны кірмаш адкрыўся прывітальным словам дэкана факультэта Марыны Карпіцкай. Яна пажадала ўсім прысутным поспехаў і натхнення напярэдадні навагодніх свят. Святочны настрой узмацнілі віншаванні ад Дзеда Мароза і Снягуркі, якія парадавалі гасцей сваімі выступленнямі. Творчыя нумары, падрыхтаваныя студэнтамі, дадалі весялосці.
Водар свежай выпечкі, усмешкі і радасныя твары стваралі непаўторную атмасферу дабра і цяпла. Госці кірмаша маглі не толькі набыць арыгінальныя падарункі, але і паразмаўляць адзін з адным, падзяліцца навагоднімі пажаданнямі і ўражаннямі.
Усе сродкі, сабраныя ў ходзе мерапрыемства, будуць накіраваны на закупку падарункаў для ДУА «Спецыяльная школа г. Гродна» і дзіцячага дома сямейнага тыпу. Гэта дазволіць зрабіць свята больш радасным для тых, хто мае ў ім патрэбу. Удзельнікі кірмашу праявілі не толькі крэатыўнасць, але і дабрыню, што робіць такое мерапрыемства важным крокам у падтрымцы сацыяльнай адказнасці.
Гродзенскі дзяржаўны ўніверсітэт імя Янкі Купалы