Рэспубліканскі семінар-практыкум "Удасканаленне дзейнасці дзяржорганаў і арганізацый у рэалізацыі маладзёжнай палітыкі Рэспублікі Беларусь" прайшоў 7-8 жніўня ў Рэчыцкім раёне Гомельскай вобласці.
Семінар, які праводзіўся ў рамках выканання даручэнняў Прэзідэнта Рэспублікі Беларусь Аляксандра Лукашэнкі, сабраў прадстаўнікоў з Мінска і ўсіх абласцей краіны. Дэлегацыю Гродзенскага дзяржаўнага ўніверсітэта імя Янкі Купалы на мерапрыемстве ўзначаліла рэктар універсітэта Ірына Кітурка.
Мерапрыемства стартавала ў Лоеве, дзе ўдзельнікі ўсклалі кветкі да стэлы мемарыяльнага комплексу. На практычных пляцоўках у Рэчыцкім раёне ўдзельнікам форуму прадставілі разнастайныя формы і метады працы з дзецьмі і моладдзю. Так, аб ролі моладзі ў інавацыйнай палітыцы прадпрыемства ішла размова ў час наведвання удзельнікамі фотаэлектрычнай станцыі РУП "ВА" Беларуснафта ", аб формах і метадах работы з падрастаючым пакаленнем па ваенна-патрыятычнаму выхаванню распавялі ў Рэчыцкай раённай гімназіі. На іншых практычных пляцоўках абмеркавалі пытанні падтрымкі таленавітай моладзі, дзіцячай і моладзевай ініцыятывы, аб маладзёжным самакіраванні, інстытутах настаўніцтва, выхаванні падрастаючых пакаленняў праз прызму захавання народных традыцый. На інтэрактыў ных пляцоўках свае спартыўныя, творчыя, патрыятычныя праекты прадставіла моладзь Гомельскага рэгіёну.
У другі дзень на пленарным пасяджэнні ўдзельнікі семінара-практыкума абмеркавалі ўдасканаленне дзейнасці дзяржорганаў і арганізацый у рэалізацыі маладзёжнай палітыкі. З дакладам «Роля ўніверсітэта ў рэалізацыі патэнцыялу моладзі ў Гродзенскім рэгіёне» на пленарным пасяджэнні выступіла рэктар ГрДУ імя Янкі Купалы Ірына Кітурка.
Удзельнікі пазнаёміліся з рэспубліканскай выставай, прысвечанай сучасным метадам работы з моладдзю ў рэгіёнах Беларусі. На выставе была прадстаўлена экспазіцыя Гродзенскага дзяржаўнага ўніверсітэта імя Янкі Купалы. Таксама студэнты-купалаўцы прэзентавалі грамадзянска-патрыятычны праект «Жывая гісторыя».
Па матэрыялах БЕЛТА і ўлас. інф.
Гродзенскі дзяржаўны ўніверсітэт імя Янкі Купалы