Візіт адбыўся ў рамках праграмы «Запрошаны прафесар».
На лекцыях, прачытаных на філалагічным факультэце, доктар філалагічных навук, прафесар кафедры замежнай літаратуры Ерэванскага дзяржаўнага ўніверсітэта Тыгран Сімян асвятліў праблемы сучаснага горада, афармлення гарадской прасторы, адлюстравання горада ў літаратуры і ўплыву нацыянальнага эпасу на «тэкст» горада.
Лекцыі Тыграна Сержыкавіча выклікалі вялікую цікавасць як у студэнтаў і выкладчыкаў купалаўскага ўніверсітэта, так і гасцей XVII Міжнароднай навуковай канферэнцыі "Узаемадзеянне літаратур у сусветным літаратурным працэсе. Праблемы тэарэтычнай і гістарычнай паэтыкі ", якая праходзіла ў гэтыя дні. Тыгран Сімян таксама прыняў удзел у канферэнцыі, дзе прэзентаваў свой даклад.
Гродзенскі дзяржаўны ўніверсітэт імя Янкі Купалы