Фінальныя гульні турніру ў сценах Гродзенскага дзяржаўнага ўніверсітэта імя Янкі Купалы прайшлі 1 сакавіка.
У гэтым годзе спаборніцтвы прайшлі ў пяты раз. Удзел у турніры прынялі каманды з ГрДУ імя Янкі Купалы, Універсітэта ў Беластоку, Балтыйскага федэральнага ўніверсітэта імя І. Канта, Гродзенскай абласной спецыялізаванай дзіцяча-юнацкай спартыўнай школы алімпійскага рэзерву імя А.М. Сапегі і студэнткі Гродзенскага дзяржаўнага медыцынскага ўніверсітэта.
Па выніках 20 гульняў, якія прайшлі па кругавой сістэме, не прайграўшы ніводнага сэта, упэўненую перамогу ў Міжнародным адкрытым турніры па валейболе сярод жаночых каманд на Кубак рэктара ўніверсітэта атрымалі спартсменкі ГрДУ імя Янкі Купалы. Другое месца - у каманды Гродзенскай АСДЮШАР імя А.М. Сапегі, трэцяе месца занялі дзяўчыны БФУ імя І. Канта.
Усе каманды атрымалі дыпломы і памятныя падарункі.
Гродзенскі дзяржаўны ўніверсітэт імя Янкі Купалы