Фінал спаборніцтваў прайшоў у рамках Рэспубліканскай універсіяды - 2019 з 18 па 19 лістапада ў Мінску.
Для выхаду ў фінал каманда Гродзенскага дзяржаўнага ўніверсітэта імя Янкі Купалы паспяхова выступіла на рэгіянальным, міжрэгіянальным і паўфінальным этапах, пасля якіх у заключным змагалася за перамогу з трыма камандамі ўніверсітэтаў Беларусі. Сярод іх - Беларускі дзяржаўны ўніверсітэт фізічнай культуры, Беларускі нацыянальны тэхнічны ўніверсітэт і Беларускі дзяржаўны педагагічны ўніверсітэт імя Максіма Танка. Дарэчы, усяго на старце лігі было прадстаўлена больш за 30 студэнцкіх каманд.
Так, у першай паўфінальнай гульні каманда ГрДУ імя Янкі Купалы перамагла каманду БДПУ імя Максіма Танка з лікам 3: 2. У другой паўфінальнай сутычцы БДУФК быў мацней БНТУ.
У выніку ў фінале сустрэліся лепшыя каманды студэнцкага жаночага валейбольнага спорту. Ва ўпартай барацьбе наша каманда саступіла БДУФК з лікам 3: 1 і стала сярэбраным прызёрам студэнцкай валейбольнай лігі.
Трэнер каманды Гродзенскага дзяржаўнага ўніверсітэта імя Янкі Купалы - дацэнт кафедры фізічнага выхавання і спорту Станіслаў Лісоўскі.
Гродзенскі дзяржаўны ўніверсітэт імя Янкі Купалы