Грашовыя прэміі і заахвочвальныя стыпендыі прызначаны 29 купалаўцам, сярод іх - студэнты, выпускнікі і магістранты.
Стыпендыі спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў прызначаныя 187 студэнтам і курсантам устаноў вышэйшай адукацыі краіны, якія дасягнулі высокіх вынікаў у вучобе і навуковай дзейнасці. Так, стыпендыя на першы семестр 2019/2020 навучальнага года ў памеры 123 рублёў штомесяц прызначаная чатыром студэнткам Гродзенскага дзяржаўнага ўніверсітэта імя Янкі Купалы: Яне Красцінай, Наталлі Макарэвіч, Надзеі Раманчук і Дар'і Салей.
Грашовых прэмій былі ўдастоены таксама пераможцы XXV Рэспубліканскага конкурсу навуковых прац студэнтаў. Сярод іх студэнты, выпускнікі і магістранты Купалаўскага ўніверсітэта: Дзмітрый Копаць, Лізавета Чыгарэўская, Лізавета Бышкала, Аляксей Жданук, Марыя Ількевіч, Яўгенія Казлоўская, Радзівон Кукальнік, Вікторыя Мядзведзева, Таццяна Новікава, Дар'я Басалыга, Валерыя Блінкоўская, Юлія Бадак, Маргарыта Васько, Віктар Данільчык, Айна Жарына, Надзея Качынская, Дзяніс Клімовіч, Вераніка Календа, Яна Кастырэнка, Юлія Лукашэвіч, Віялета Паўловіч, Ксенія Перапеча, Анастасія Папуцэвіч, Алена Сянько, Сямён Соркін.
Адпаведнае распараджэнне аб прызначэнні стыпендый і грашовых прэмій спецыяльнага фонду падпісаў Прэзідэнт Рэспублікі Беларусь Аляксандр Лукашэнка. Яно накіравана на забеспячэнне адраснай падтрымкі адораных навучэнцаў і студэнтаў, а таксама на стварэнне спрыяльных умоў для іх далейшага развіцця.
Гродзенскі дзяржаўны ўніверсітэт імя Янкі Купалы