У ёй прымаюць удзел настаўнікі замежнай мовы устаноў агульнай сярэдняй адукацыі горада Гродна.
Мерапрыемства ў Купалаўскім універсітэце праводзіцца ў рамках гарадской акцыі «Творчы патэнцыял педагога як неабходная ўмова развіцця іншамоўнай міжкультурнай кампетэнцыі вучняў на вучэбных занятках» з мэтай павышэння ўзроўню прадметна-метадычнай кампетэнтнасці настаўнікаў і выкладчыкаў замежнай мовы.
З прывітальным словам і пажаданнямі поспехаў у працы метадычнай гасцінай перад удзельнікамі мерапрыемства выступіў прарэктар па вучэбнай працы ГрДУ імя Янкі Купалы Генадзій Гачко:
- Перад намі сёння стаіць важная задача - пазнаёміць педагогаў з новымі адукацыйнымі тэхналогіямі і новымі падыходамі ў навучанні, павысіць іх прафесійнае майстэрства. Гаворачы аб практыка-арыентаваным узаемадзеянні ў прасторы «Школа - ВНУ», мы хочам атрымаць ад вас зваротную сувязь аб укараненні адукацыйных інавацый у вашу педагагічную працу.
У сваю чаргу, галоўны спецыяліст аддзела адукацыі Гродзенскага гарвыканкама Андрэй Здунек адзначыў, што асабліва важным і значным якаснае навучанне замежным мовам падрастаючага пакалення становіцца ва ўмовах штогадовага павышэння турыстычнай прывабнасці гродзенскага рэгіёну.
У ходзе мерапрыемства адбылася прэзентацыя спецыяльнасцяў філалагічнага факультэта Купалаўскага ўніверсітэта. А працягваецца работа метадычнай гасцінай ў рамках двух блокаў. Так, у ходзе работы навукова-метадычнага блока ўдзельнікі абмяркуюць развіццё медыяпісьменнасці навучэнцаў на занятках па замежнай мове, пагавораць пра навучанне іншамоўных зносін у кантэксце ідэі дыялогу культур. Таксама сярод тэм блока - развіццё моўнай асобы школьніка пры дапамозе ўдасканалення прафесійных кампетэнцый настаўніка замежнай мовы, і арганізацыя праектна-даследчай работы навучэнцаў у рамках вучэбнага прадмета «Замежная мова».
У ходзе дэманстрацыйнага блока настаўнікі замежнай мовы ўстаноў агульнай сярэдняй адукацыі Ленінскага і Кастрычніцкага раёнаў г. Гродна правядуць для калег аўтарскія майстар-класы. Сярод іх: «Тэхналогія стварэння і варыянты прымянення QR кодаў у працэсе навучання замежнай мове», «Classroom Management: Tools and Tips», «Урок для дарослых з элементамі сінгапурскай методыкі. Тэма ўрока «Charity».
Арганізатарамі метадычнай гасцінай «Школа - ВНУ: адкрыты дыялог» выступае кафедра англійскай філалогіі філалагічнага факультэта.
Гродзенскі дзяржаўны ўніверсітэт імя Янкі Купалы