Пленарнае пасяджэнне канферэнцыі «Універсітэт - тэрыторыя апераджальнага развіцця», прысвечанай юбілею Купалаўскага ўніверсітэта, адбылося 20 лютага.
У рамках пленарнага пасяджэння рэктар ГрДУ імя Янкі Купалы Ірына Кітурка павітала ўдзельнікаў канферэнцыі і распавяла аб апераджальным развіцці ўніверсітэта, яго стратэгіі і дасягненнях:
- Свята дазваляе нам павярнуцца назад і паглядзець, якая праца была праведзена ў папярэднія перыяды, усвядоміць тыя напрамкі, па якіх неабходна рухацца далей.
Ірына Кітурка адзначыла, што 2020 год завяршае перыяд рэалізацыі чарговага стратэгічнага плана, таму пытанне падвядзення вынікаў і пастаноўкі планаў цяпер становіцца асабліва актуальным для фарміравання стратэгіі на чарговы перыяд: 2021-2025 гады. Рэктар падкрэсліла, што асаблівая ўвага ў ГрДУ імя Янкі Купалы надаецца моладзі і перш за ўсё развіццю прадпрымальніцкіх ініцыятыў студэнтаў і навучэнцаў у рамках рэалізацыі праекта «Універсітэт 3.0». Робяцца маштабныя мэтанакіраваныя намаганні для выяўлення патрэбаў наймальнікаў і працаўладкавання выпускнікоў. Для павышэння якасці і эфектыўнасці дзейнасці ўніверсітэта пры дапамозе шырокага рэінжынірынга ўсіх працэсаў і ўкаранення інавацыйных бізнес-мадэляў на аснове мадэрнізацыі інфармацыйна-камунікацыйнага асяроддзя развіваецца праект «Лічбавы ўніверсітэт+», прыярытэтная ўвага надаецца інтэрнацыяналізацыі адукацыі. Мэтанакіраваныя намаганні дазволілі Гродзенскаму дзяржаўнаму ўніверсітэту імя Янкі Купалы заняць прыярытэтныя пазіцыі ў многіх міжнародных рэйтынгах.
Варта адзначыць, што на пленарным пасяджэнні канферэнцыі быў прадстаўлены вопыт развіцця не толькі ў беларускіх універсітэтах. Так, аб адносінах Расіі і Беларусі ў кантэксце Еўразійскай інтэграцыі распавёў ганаровы прафесар ГрДУ імя Янкі Купалы, рэктар Санкт-Пецярбургскага дзяржаўнага эканамічнага ўніверсітэта Ігар Максімцаў:
- Мы з вамі сёння не проста абменьваемся вопытам, мы будуем будучыню. У гэтым заслуга ўсяго калектыву супрацоўнікаў, выкладчыкаў, студэнтаў. Я хачу яшчэ раз павіншаваць вас з юбілеем і падзякаваць за ўручэнне мне мантыі і дыплома Ганаровага прафесара Гродзенскага дзяржаўнага ўніверсітэта імя Янкі Купалы.
У сваю чаргу рэктар Нацыянальнага дзяржаўнага ўніверсітэта фізічнай культуры, спорту і здароўя імя П.Ф. Лесгафта Сяргей Бакулеў распавёў аб інавацыйнай практыцы спорту, а прарэктар па развіцці Універсітэта ў Беластоку Яраслаў Мацвяюк распавёў аб рэформах, якія адбыліся ў сістэме адукацыі ў Польшчы. Прарэктар па міжнародных сувязях Чарнавіцкага нацыянальнага ўніверсітэта імя Юрыя Федзьковіча прэзентаваў даклад «Міжнародная дзейнасць Чарнавіцкага нацыянальнага ўніверсітэта - выклікі XXI стагоддзя». Пра перспектывы развіцця міжнароднага супрацоўніцтва ў рамках кансорцыума ВНУ Беларусі і Казахстана казаў прарэктар па стратэгічным развіцці Акцюбінскага рэгіянальнага дзяржаўнага ўніверсітэта імя К. Жубанава.
Гродзенскі дзяржаўны ўніверсітэт імя Янкі Купалы