Студэнты першага курса факультэтаў універсітэта прадставяць увазе гледачоў і журы свае творчыя пастаноўкі.
Конкурс «Alma Mater - каханне з першага курсу» сёлета адзначыць юбілей. Традыцыйна фіналу папярэднічае адборачны этап: на працягу некалькіх дзён кожны факультэт дэманструе свае выступы, каб пазмагацца за перамогу ў галоўным творчым конкурсе Купалаўскага ўніверсітэта. У пастаноўках прымаюць удзел студэнты першага курса навучання.
Выступы купалаўцаў пачнуцца 26 кастрычніка і працягнуцца да 29 кастрычніка. «25 гадоў - Каханне з першага курсу!» - так пазначана тэма конкурсу.
26 кастрычніка, у панядзелак, свае пастаноўкі пакажуць першакурснікі факультэтаў матэматыкі і інфарматыкі, інавацыйных тэхналогій машынабудавання і інжынерна-будаўнічага факультэта.
27 кастрычніка, у аўторак, купалаўцаў запрашаюць ацаніць выступы студэнтаў факультэта гісторыі, камунікацыі і турызму, філалагічнага факультэта і факультэта фізічнай культуры.
У сераду, 28 кастрычніка, на сцэну Купалаўскага ўніверсітэта выйдуць курсанты ваеннага факультэта, студэнты факультэта эканомікі і кіравання і факультэта біялогіі і экалогіі.
Завершыцца адборачны этап конкурсу ў чацвер, 29 кастрычніка, выступамі каманд першакурснікаў факультэта мастацтваў і дызайну, педагагічнага і юрыдычнага факультэтаў.
Гродзенскі дзяржаўны ўніверсітэт імя Янкі Купалы