Алімпіяда па фізіцы ў Купалаўскім універсітэце аб'яднала студэнтаў пяці факультэтаў.
Удзел у алімпіядзе прымалі студэнты інжынерна-будаўнічага факультэта, факультэта інавацыйных тэхналогій машынабудавання, факультэта матэматыкі і інфарматыкі, фізіка-тэхнічнага факультэта і факультэта эканомікі і кіравання. Змаганне сярод купалаўцаў праходзіла ў два этапы: адборачны завочны тур і фінальны тур, вочны - яго правялі на базе фізіка-тэхнічнага факультэта для пераможцаў першага этапу.
Першае месца ў алімпіядзе па фізіцы заняў студэнт 1 курса фізіка-тэхнічнага факультэта спецыяльнасці "Камп'ютарная фізіка" Яўген Раманоўскі. Дыпломы II ступені атрымалі студэнт 1 курса факультэта матэматыкі і інфарматыкі спецыяльнасці «Праграмнае забеспячэнне інфармацыйных тэхналогій» Іван Дзятчэня і студэнты 2 курса фізіка-тэхнічнага факультэта спецыяльнасці "Камп'ютарная фізіка" Уладзіслаў Казлоўскі і Віялета Вашына. Дыпломамі III ступені ўзнагародзілі студэнтаў 1 курса фізіка-тэхнічнага факультэта Аляксандра Гурскага, Максіма Багдановіча (спецыяльнасць "Камп'ютарная фізіка"), Мацвея Бачко (спецыяльнасць «Прамысловыя робаты і робататэхнічных комплексы») і Ягора Галімава ( "Тэхнічная эксплуатацыя энергаабсталявання арганізацый").
Гродзенскі дзяржаўны ўніверсітэт імя Янкі Купалы