Студэнцкія каманды факультэтаў прынялі ўдзел у спартыўных і творчых мерапрыемствах, якія адбыліся ў рамках фестывалю 21 мая.
Адкрываючы фестываль, удзельнікаў павітала рэктар ГрДУ імя Янкі Купалы Ірына Кітурка. Яна адзначыла, што ў гэтыя дні купалаўцы актыўна прымаюць удзел у фізкультурна-аздараўленчых мерапрыемствах, тым самым даказваючы і сабе і іншым, што з'яўляюцца дружнай, спартыўнай сям'ёй.
- Літаральна ўчора адбыўся Фестываль летніх відаў спорту, у якім бралі ўдзел выкладчыкі і супрацоўнікі ўніверсітэта. І сёння мы ў чарговы раз даказваем, што можам з поўным правам лічыцца самым актыўным універсітэтам краіны. Гэта пацвярджае і той факт, што два гады запар менавіта Купалаўскі ўніверсітэт атрымлівае перамогу ў Рэспубліканскай універсіядзе, - адзначыла Ірына Кітурка.
Рэктар пажадала студэнцкім камандам пазітыўных эмоцый ад удзелу ў фестывалі, спартовай рызыкі і добрых вынікаў. Затым зборныя каманды факультэтаў універсітэта прыступілі да спаборніцтваў.
Фестываль «Купалаўскі старт» прадугледжвае як спартыўныя, так і творчыя выпрабаванні. Сярод спартыўных спаборніцтваў - дартс, армрэслінг, настольны тэніс, перацягванне ліны, спартыўная эстафета. Пераможца спартыўнага этапу фестывалю вызначаецца па агульнай колькасці балаў па выніках усіх спаборніцтваў. У якасці творчага выпрабавання каманды ўдзельнічаюць у конкурсе самапрэзентацыі «Візітная картка».
Па выніках усіх выпрабаванняў спартыўна-мастацкага фестывалю «Купалаўскі старт» перамогу атрымала каманда інжынерна-будаўнічага факультэта, другое месца заняла зборная каманда педагагічнага і ваеннага факультэтаў, трэцяе месца - каманда факультэта фізічнай культуры. Пераможцаў і прызёраў узнагародзілі дыпломамі, а таксама сертыфікатамі ў квэст-пакой, картынг-клуб і кінатэатр ў Гродне.
Гродзенскі дзяржаўны ўніверсітэт імя Янкі Купалы