Кансультацыі «Вырашаем ЦТ на 100 балаў» факультэт давузаўскай падрыхтоўкі ГрДУ імя Янкі Купалы праводзіць вочна і ў рэжыме онлайн.
На дадзены момант ужо адбыліся кансультацыі па беларускай і рускай мовах. Так, 17 чэрвеня на кансультацыі па рускай мове ў вочным рэжыме і онлайн прысутнічалі 65 абітурыентаў.
Кансультацыі праходзяць па адрасе Кастрычніцкая, 5, аўд. 110. Для ўдзелу ў майстар-класах неабходна зарэгістравацца, запоўніўшы электронную анкету на сайце факультэта давузаўскай падрыхтоўкі ГрДУ імя Янкі Купалы. Там жа можна знайсці і ўсю актуальную інфармацыю, што датычыцца графіка правядзення кансультацый па падрыхтоўцы абітурыентаў да цэнтралізаванага тэсціравання.
Кансультацыі «Вырашаем ЦТ на 100 балаў» - гэта выдатная магчымасць для абітурыентаў напярэдадні ўступных выпрабаванняў актуалізаваць, сістэматызаваць і абагульніць веды па вучэбных прадметах. Вядучыя выкладчыкі кафедры сучасных тэхналогій даўніверсітэцкай адукацыі факультэта давузаўскай падрыхтоўкі ГрДУ імя Янкі Купалы дзеляцца прыёмамі і хітрасцямі, якія палягчаюць працу з тэстам, дапамагаюць адпрацаваць алгарытм выканання тэставых заданняў у адпаведнасці са спецыфікацыяй тэсту-2021 і аналізам заданняў трох этапаў рэпетыцыйнага тэсціравання.
Больш падрабязную інфармацыю пра ўдзел у кансультацыях можна атрымаць на факультэце давузаўскай падрыхтоўкі па адрасе: г. Гродна, зав. Тэлеграфны, 15 А, каб. 207, тэл. 39-58-71, +375 29 267 96 73.
Гродзенскі дзяржаўны ўніверсітэт імя Янкі Купалы