Канферэнцыя адбылася 18 чэрвеня 2021 года.
З прывітальным словам да ўдзельнікаў звярнуўся прарэктар па навуковай працы ГрДУ імя Янкі Купалы Юрый Яцэнтавіч Раманоўскі. Ён адзначыў навізну і важнасць заяўленай для абмеркавання тэматыкі, а таксама выказаў надзею, што ў выніку працы канферэнцыі ўдасца выпрацаваць адзінае разуменне лічбавага вучэбна-метадычнага комплексу і патрабаванняў да яго.
Усяго для ўдзелу ў канферэнцыі паступіла звыш 80 заявак ад факультэтаў і структурных падраздзяленняў універсітэта.
З дакладам «Лічбавая пісьменнасць як аснова эфектыўнасці сучаснай вышэйшай адукацыі» выступіла прафесар кафедры перакладу і міжкультурнай камунікацыі, кандыдат філалагічных навук, дацэнт Рычкова Людміла Васільеўна.
Старшы выкладчык кафедры сістэмнага праграмавання і камп'ютарнай бяспекі Урбановіч Андрэй Ігаравіч распавёў аб вопыце рэалізацыі навучальных праграм Акадэміі Cisco на факультэце матэматыкі і інфарматыкі.
З замежным вопытам выкарыстання элементаў лічбавых комплексаў пазнаёміў прафесар Інстытута фізіка-матэматычных навук і інфармацыйных тэхналогій Балтыйскага федэральнага ўніверсітэта ім. І.Канта (г. Калінінград), кандыдат фізіка-матэматычных навук Худзенка Уладзімір Мікалаевіч.
Разуменне лічбавага вучэбна-метадычнага комплексу як базавага кампанента лічбавай адукацыйнай платформы прадставіў калектыў аўтараў: начальнік вучэбна-метадычнага ўпраўлення, кандыдат гістарычных навук, дацэнт Калацэй Марына Яцековна, загадчык лабараторыі адукацыйных інавацый вучэбна-метадычнага ўпраўлення Каляга Алег Уладзіміравіч, начальнік вучэбна-метадычнага аддзела па кіраванні якасцю адукацыі, кандыдат фізіка-матэматычных навук, дацэнт Шпак Дар'я Сяргееўна, дацэнт кафедры агульнай фізікі, кандыдат фізіка-матэматычных навук Гогалеву Святлана Дзмітрыеўна.
У рамках навукова-метадычнай канферэнцыі былі разгледжаны пытанні адрозненні лічбавага вучэбна-метадычнага комплексу ад электроннага, аспекты інтэграцыі лічбавых сродкаў навучання ў навучальныя курсы, а таксама змяненне ролі выкладчыка ва ўмовах лічбавай трансфармацыі навучальнага працэсу.
Гродзенскі дзяржаўны ўніверсітэт імя Янкі Купалы