Падаць дакументы для навучання на другой ступені вышэйшай адукацыі можна з 27 чэрвеня па 5 ліпеня.
У 2021 годзе, як і ў мінулым , у ГрДУ імя Янкі Купалы будзе арганізавана электронная чарга на сайце abit.by, з дапамогай якой кожны абітурыент зможа абраць час, зручны для асабістага візіту і падачы дакументаў у прыёмную камісію ўніверсітэта.
Уступныя выпрабаванні для абітурыентаў магістратуры пройдуць у адпаведнасці з раскладам 6 - 12 ліпеня. Залічэнне ў лік студэнтаў II ступені атрымання вышэйшай адукацыі дзённай і завочнай форм атрымання адукацыі за кошт сродкаў рэспубліканскага бюджэту і на платнай аснове пройдзе па 17 ліпеня.
Прыём дакументаў у магістратуру ГрДУ імя Янкі Купалы будзе ажыццяўляцца з 27 чэрвеня па 5 ліпеня (3 ліпеня - выхадны дзень) з 9.00 да 18.00 па адрасе вул. Ажэшкі, 22. З умовамі і парадкам прыёму, пералікам спецыяльнасцяў, формаў і тэрмінаў навучання, спісам неабходных дакументаў, праграмамі ўступных выпрабаванняў і іншай карыснай інфармацыяй можна азнаёміцца на сайце abit.by.
Гродзенскі дзяржаўны ўніверсітэт імя Янкі Купалы