Дабрачынная акцыя прайшла 24 чэрвеня ў рамках Тыдня моладзі.
Прадстаўнікі Купалаўскага ўніверсітэта наведалі выхаванцаў Гродзенскага абласнога цэнтра рэабілітацыі дзяцей-інвалідаў і хворых дзяцей псіханеўралагічнага профілю. Удзел у дабрачыннай акцыі прынялі валанцёры-купалаўцы атрада «Мы разам», рабяты з зямляцтва замежных студэнтаў, а таксама кіраўнік валанцёрскага цэнтра ГрДУ імя Янкі Купалы Валянціна Есіна і кіраўнік валанцёрскага атрада філалагічнага факультэта Вольга Будзеніс.
Студэнты і супрацоўнікі ГрДУ імя Янкі Купалы перадалі прадстаўнікам спецыялізаванай установы сертыфікат ад кіраўніцтва ўніверсітэта і прафсаюзнага камітэта студэнтаў на набыццё неабходнага інвентару для рэабілітацыі хворых дзяцей. Таксама студэнты арганізавалі для выхаванцаў Цэнтра забаўляльную праграму на свежым паветры.
Гродзенскі дзяржаўны ўніверсітэт імя Янкі Купалы ўжо шмат гадоў супрацоўнічае з абласным цэнтрам рэабілітацыі дзяцей-інвалідаў і хворых дзяцей псіханеўралагічнага профілю, а валанцёры-купалаўцы рэгулярна праводзяць для выхаванцаў спецыялізаванай установы дабрачынныя акцыі.
Гродзенскі дзяржаўны ўніверсітэт імя Янкі Купалы