Канферэнцыя-конкурс праходзіць у два этапы на факультэце матэматыкі і інфарматыкі Купалаўскага ўніверсітэта. Першы этап праходзіць 29-30 красавіка 2022, другі - 30 верасня і 1 кастрычніка 2022 года.
У 2022 годзе работа канферэнцыі-конкурсу праходзіць па наступных напрамках: алгебра, геаметрыя і матэматычны аналіз; прыкладная матэматыка; камп'ютарныя навукі і праграміраванне; робататэхніка і штучны інтэлект.
Навуковая праграма прадугледжвае падрыхтоўку і прадстаўленне навукова-даследчых работ школьнікамі і навучэнцамі сярэдніх спецыяльных навучальных устаноў, навуковых артыкулаў - студэнтамі ВНУ; выступленні ўдзельнікаў з дакладамі аб выніках сваёй даследчай дзейнасці, дыскусіі, конкурсы, узнагароджанне аўтараў лепшых работ, выступленні вучоных, круглыя сталы для навуковых кіраўнікоў і настаўнікаў.
Упершыню навучэнцам школ і адукацыйных цэнтраў горада Гродна, гурткоў і секцый па робататэхніцы прапанавалі прыняць удзел у выставе-конкурсах "Баі робатаў" у асабістым або камандным першынстве.
Удзельнікі выставы-конкурсаў "Баі робатаў" змогуць прадставіць вынікі сваёй канструктарскай і творчай дзейнасці, а таксама прадэманстраваць магчымасці сваіх вынаходак і параўнаць іх з аналагічнымі. Асобны конкурс плануецца для дзяцей малодшага ўзросту з удзелам выпускнікоў і вучняў Школы дакладных навук факультэта матэматыкі і інфарматыкі.
Гродзенскі дзяржаўны ўніверсітэт імя Янкі Купалы