Дэкан факультэта эканомікі і кіравання, старшыня першаснай арганізацыі ГА "Беларускі саюз жанчын" ГрДУ імя Янкі Купалы Марына Карпіцкая прыняла ўдзел у Міжнародным навуковым форуме "Жанчыны-хімікі 2023", які прайшоў у Ташкенцкім хіміка-тэхналагічным інстытуце (г. Ташкент, Рэспубліка Узбекістан).
Марына Карпіцкая ў рамках пленарнага даклада падзялілася вопытам рэалізацыі эканамічнай адукацыі ў цеснай узаемасувязі са знешнімі стэйкхолдарамі - прадпрыемствамі-заказчыкамі кадраў, расказала пра ролю грамадскіх арганізацый у рэалізацыі адукацыйных праграм для жанчын, занятых у малым і сярэднім бізнесе, вывучыла вопыт работы жаночага руху ва ўзбекскіх першасных арганізацыях, а таксама досвед працы моладзевых арганізацый.
У рамках візіту Марына Карпіцкая правяла лекцыі па праграме "Запрошаны прафесар" для студэнтаў факультэта менеджменту і прафесійнай адукацыі па дысцыплінах "Уводзіны ў спецыяльнасць" і "Эканоміка арганізацый".
У цэнтры ўвагі візіту былі пытанні арганізацыі навучальнага працэсу па сумесных адукацыйных праграмах па другой ступені эканамічнай адукацыі і акадэмічнай мабільнасці для студэнтаў Ташкенцкага хіміка-тэхналагічнага інстытута, а таксама стажыровак прафесарска-выкладчыцкага складу на базе факультэта эканомікі і кіравання.
Гродзенскі дзяржаўны ўніверсітэт імя Янкі Купалы