Рэспубліканскае спартыўна-масавае мерапрыемства "Спартыўны MIX" на прызы Беларускага прафесійнага саюза работнікаў адукацыі і навукі прайшло ў Мінску. Выкладчык фізічнай культуры і спорту Тэхналагічнага каледжа Гродзенскага дзяржаўнага ўніверсітэта імя Янкі Купалы Ян Замана заняў першае месца ў стральбе.
У спаборніцтвах прынялі ўдзел 45 аматараў більярда, дартса і стральбы ў складзе 9 каманд, якія прадстаўляюць абласныя, Мінскую гарадскую арганізацыі прафсаюза, аб'яднаную галіновую прафсаюзную арганізацыю НАН Беларусі, прафсаюзныя арганізацыі работнікаў БДУ і БНТУ.
Адкрыла мерапрыемства старшыня Прафсаюза Таццяна Якубовіч. Арганізацыі прафсаюза вялікую ўвагу ўдзяляюць спартыўна-масавай рабоце з работнікамі галіны і актыўна далучаюць да гэтага руху як мага больш людзей. Гэта дае работнікам галіны магчымасць праявіць сябе і рэалізаваць свой патэнцыял.
Гродзенскі дзяржаўны ўніверсітэт імя Янкі Купалы