Інспекцыйны аўдыт сістэмы менеджменту якасці на адпаведнасць патрабаванням СТБ ISO 9001-2015, ISO 9001: 2015 у Нацыянальнай сістэме пацверджання Рэспублікі Беларусь прайшоў 27 красавіка ў ГрДУ імя Янкі Купалы. Аўдыт ажыццяўлялі супрацоўнікі Беларускага дзяржаўнага інстытута стандартызацыі і сертыфікацыі Алена Прачкоўская і Вераніка Друпіна.
Група экспертаў-аўдытараў правяла дыстанцыйны аўдыт першага прарэктара, аддзела менеджменту якасці, інфармацыйна-аналітычнага цэнтра, вучэбна-метадычнага ўпраўлення, аддзела падрыхтоўкі і атэстацыі навуковых работнікаў вышэйшай кваліфікацыі, сацыяльна-педагагічнай і псіхалагічнай службы.
Сярод структурных падраздзяленняў, у якіх таксама быў праведзены аўдыт – факультэт мастацтваў і дызайну, кафедра выяўленчага мастацтва, факультэт інавацыйных тэхналогій машынабудавання, кафедра матэрыялазнаўства і рэсурсазберагальных тэхналогій, кафедра будаўнічай вытворчасці, кафедра тэхналогіі, фізіялогіі і гігіены харчавання, кафедра турызму і культурнай спадчыны.
На заключнай нарадзе па выніках знешняга аўдыту эксперты адзначылі высокі ўзровень развіцця сістэмы менеджменту якасці ва ўніверсітэце, прафесіяналізм і матываванасць супрацоўнікаў, іх уцягнутасць у пытанні якасці, а таксама імкненне да пастаяннага развіцця ў Купалаўскім універсітэце.
Гродзенскі дзяржаўны ўніверсітэт імя Янкі Купалы