12 мая на базе Навукова-тэхналагічнага парка ГрДУ імя Янкі Купалы прайшла анлайн-сустрэча з калегамі з Узбекістана, падчас якой была прадстаўлена прадукцыя РУП ВНВЦ "Тэхналаб".
У канферэнцыі прынялі ўдзел выкладчыкі фізікі Ургенчскага дзяржаўнага ўніверсітэта, дырэктары школ і прадстаўнікі Міністэрства адукацыі Узбекістана.
Падчас сустрэчы дырэктар Навукова-тэхналагічнага парка Аляксандр Васілевіч расказаў аб лабараторных распрацоўках і комплексах, з дапамогай якіх праводзяцца дэманстрацыйныя эксперыменты па фізіцы ў школах і вышэйшых навучальных установах.
У рамках супрацоўніцтва з Ургенчскім дзяржаўным універсітэтам кандыдат педагагічных навук, дацэнт кафедры лазернай фізікі і спектраскапіі ГрДУ імя Янкі Купалы Мікалай Мацецкі падрыхтаваў прэзентацыю аб практычным выкарыстанні абсталявання ў адукацыйным працэсе.
Прарэктар па навуковай рабоце Андрэй Праневіч падкрэсліў важнасць шматбаковага супрацоўніцтва ў адукацыйнай сферы ў гэтым напрамку.
Гродзенскі дзяржаўны ўніверсітэт імя Янкі Купалы