На факультэце інавацыйных тэхналогій машынабудавання прайшла VII Міжнародная навуковая канферэнцыя маладых вучоных «Інжынернае і эканамічнае забеспячэнне дзейнасці транспарту і машынабудавання».
У канферэнцыі прынялі ўдзел каля 120 прадстаўнікоў універсітэтаў і навуковых арганізацый Беларусі, Расіі, Казахстана, Узбекістана. У канферэнцыі таксама прынялі ўдзел грамадзяне Нігерыі і Зімбабвэ, якія навучаюцца на факультэце. Дэпанаваны зборнік уключыў у сябе каля 90 апублікаваных маладымі даследчыкамі работ па 3 навуковых напрамках: "Інжынернае забеспячэнне машынабудаўнічай вытворчасці", "Інжынернае забеспячэнне транспартнай дзейнасці", "Праблемы лагістыкі на транспарце і ў машынабудаванні".
У дакладах былі прадстаўлены сучасныя тэндэнцыі развіцця тэхнікі і тэхналогіі, у тым ліку выкарыстанне нанатэхналогій пры стварэнні новых відаў прадукцыі, фарміраванне комплексу зададзеных параметраў вырабаў і кіраванне імі ў працэсе эксплуатацыі, адаптацыю інфармацыйных тэхналогій для аператыўнага і эфектыўнага вырашэння задач машынабудаўнічых прадпрыемстваў і транспартных арганізацый, а таксама прымяненне лагістычных падыходаў, якія садзейнічаюць зніжэнню часовых, працоўных, энергетычных, фінансавых відаў выдаткаў, якія забяспечваюць эфектыўнае праходжанне вытворчых працэсаў і аперацый. Праблематыка канферэнцыі змяшчае актуальныя пытанні, характэрныя для галін, якія разглядаюцца, і практычныя рэкамендацыі па іх вырашэнні.
Варта адзначыць, што ўзровень канферэнцыі расце і яна атрымлівае прызнанне ад вядучых асацыяцый у тэхнічнай галіне. Так, у адрас удзельнікаў і арганізатараў VII Міжнароднай навуковай канферэнцыі маладых вучоных паступіў прывітальны адрас ад Савета Асацыяцыі тэхнічных універсітэтаў, Вучонага Савета і рэктарата Маскоўскага дзяржаўнага тэхнічнага ўніверсітэта імя Н.Э. Баумана.
Гродзенскі дзяржаўны ўніверсітэт імя Янкі Купалы