Адкрытая алімпіяда для студэнтаў і школьнікаў «Junior.Crypt.2023» праводзілася кафедрай сістэмнага праграмавання і камп'ютарнай бяспекі Купалаўскага ўніверсітэта.
Фінальны этап алімпіяды пачаўся 27 чэрвеня 2023 года турнірам праграмістаў. Удзельнікам было прапанавана 15 задач, для вырашэння якіх былі неабходныя веды алгарытмаў шыфравання, статыстычных уласцівасцей шыфраў, навыкі работы з бітавымі паслядоўнасцямі і фарматамі даных.
Усяго ў спаборніцтвах фінальнага тура выступілі прадстаўнікі 101 каманды - 58 каманд у турніры па кібербяспецы (CTF) і 43 каманды ў турніры праграмістаў (iRunner).
Алімпіяда праводзілася з выкарыстаннем платформы CTFd камп'ютарнай супольнасці Універсітэта Токіа і платформы iRunner, распрацаванай у Беларускім дзяржаўным універсітэце. Заданні для алімпіяды падрыхтавалі неаднаразовыя пераможцы, студэнты спецыяльнасці "Кампутарная бяспека" Купалаўскага ўніверсітэта.
У гэтым годзе ўпершыню былі прапанаваны задачы, звязаныя з выкарыстаннем робата пыласоса, як прыклад бытавога штучнага інтэлекту: пабудова аптымальных планаў уборкі памяшкання, праца з каардынатамі аб'ектаў, выяўленых у пакоі Lidar'ом пыласоса, вызначэнне шляху руху робата пры сутыкненні з невядомай сцяной і іншае.
Фінальны тур алімпіяды прайшоў у дыстанцыйнай форме на праграмна-тэхнічнай базе Гродзенскага дзяржаўнага ўніверсітэта імя Янкі Купалы. У заключных спаборніцтвах удзельнічалі студэнты чатырох ВНУ Беларусі, члены нацыянальнай кіберсупольнасці "Bulba Hackers", госці з блізкага замежжа, нашы выпускнікі і школьнікі горада Гродна.
Пераможцамі турніру сталі:
1 месца - каманда "LiDReSaR", Ягор Шышкін, супрацоўнік кампаніі ТАА "ЯндэксБел", выпускнік кафедры камп'ютарнай бяспекі.
2 месца - каманда "Code Crusaders", Арцём Шведка, Аляксей Карлюк, Арцём Фамянкоў, Мікіта Пранкевіч, студэнты другога курса факультэта матэматыкі і інфарматыкі ГрДУ імя Янкі Купалы.
2 месца - каманда "Hcr Team", Павел Коўш, студэнт другога курса факультэта матэматыкі і інфарматыкі Купалаўскага універсітэта.
3 месца - каманда "Dire", Ягор Далматаў, Максім Будрэвіч, Назар Бялюцій, Іван Скрыпінскі, студэнты другога курса факультэта матэматыкі і інфарматыкі ГрДУ імя Янкі Купалы.
3 месца - каманда "Слава КПСС", Павел Цыркуновіч, Артур Касмоўскі, Аляксандр Сяргей, Аляксей Калач, студэнты трэцяга курса факультэта матэматыкі і інфарматыкі Купалаўскага універсітэта.
- Выказваю вялікую падзяку кафедры сістэмнага праграмавання і камп'ютарнай бяспекі за прадстаўленую магчымасць прыняць удзел у спаборніцтвах па абароне інфармацыі. З таго часу, як я апошні раз удзельнічаў у падобных спаборніцтвах, заданні моцна змяніліся і гэта выдатна. Усё было супер цікава, вялікі дзякуй арганізатарам, - падзяліўся Ягор Шышкін, удзельнік турніру, прадстаўнік кампаніі «Яндэкс».
Спаборніцтвы па Кібербяспецы і Абароне Інфармацыі прайшлі 28-29 чэрвеня ў фармаце CTF (Capture the Flag) на платформе CTFd і сабралі 211 удзельнікаў, аб'яднаных у 89 каманд. Удзельнікам было прапанавана 65 задач на 2 дні спаборніцтваў.
Прызавыя месцы размеркаваліся наступным чынам:
1 месца - каманда "Armenian cognac of Japanese bottling", Яраслаў Драчоў, Аляксей Лялевіч, Дзмітрый Кулікоў, студэнты чацвёртага курса факультэта матэматыкі і інфарматыкі ГрДУ імя Янкі Купалы.
2 месца - каманда "Слава КПСС", Павел Цыркуновіч, Артур Касмоўскі, Аляксандр Сяргей, Аляксей Калач, студэнты трэцяга курса факультэта матэматыкі і інфарматыкі Купалаўскага універсітэта.
2 месца – каманда “afterdark”, Мікіта Лаўрыновіч, Кірыл Емжын, Уладзімір Пархоменка, студэнты факультэта прыкладной матэматыкі і інфарматыкі Беларускага дзяржаўнага ўніверсітэта.
3 месца - каманда «VAIS», Ягор Шыцік, Анастасія Багачова, Ілля Салей, Вікторыя Кашлей, студэнты трэцяга курса факультэта матэматыкі і інфарматыкі ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы