З 3 па 9 снежня прадстаўнікі Нацыянальнага даследчага Томскага політэхнічнага ўніверсітэта сталі ўдзельнікамі праграмы міжнароднага супрацоўніцтва ў Купалаўскім універсітэце.
Сёння, 4 снежня, у рамках ваенна-патрыятычнага тура ў сценах Купалаўскага ўніверсітэта адбыўся студэнцкі маладзёжны форум «Памяць у сэрцы стукае…».
Мадэратарам мерапрыемства выступіў дэкан факультэта гісторыі, камунікацыі і турызму Віктар Белазаровіч.
У працы форуму прынялі ўдзел студэнты Томскага політэхнічнага ўніверсітэта і студэнты факультэта гісторыі, камунікацыі і турызму Гродзенскага дзяржаўнага ўніверсітэта імя Янкі Купалы, якія прэзентавалі свае маладзёжныя ініцыятывы і праекты.
З прывітальным словам да ўдзельнікаў форуму звярнуўся прарэктар па выхаваўчай рабоце Купалаўскага ўніверсітэта Васіль Сянько.
Васіль Васільевіч адзначыў, што на такіх форумах зараджаюцца цікавыя праекты і ініцыятывы, якія ў далейшым паспяхова рэалізуюцца.
Дэлегацыю Томскага політэхнічнага ўніверсітэта ўвесь тыдзень чакае насычаная праграма ваенна-патрыятычнага тура «Месцы баявой славы Рэспублікі Беларусь», якая ўключае экскурсіі па месцах Баявой Славы Гродзенскай вобласці, дыялогавыя пляцоўкі, а таксама сустрэчы і наведванне гісторыка-археалагічнага музея.
Гродзенскі дзяржаўны ўніверсітэт імя Янкі Купалы