Усе жадаючыя могуць узяць удзел у запланаваных мерапрыемствах з 23 па 25 студзеня.
Напярэдадні святкавання 65-годдзя педагагічнага факультэта прафкам навучэнцаў Купалаўскага ўніверсітэта падрыхтаваў цыкл яркіх мерапрыемстваў, у якіх прыняць удзел можа любы ахвочы.
У аўторак, 23 студзеня, пройдзе бліц-гульня "Мы кінаманы!". Арганізатары абяцаюць спякотнае інтэлектуальнае спаборніцтва за званне лепшага кінамана. Для ўдзелу неабходна сфарміраваць каманду з 3 чалавек. Бліц-гульня пройдзе па адрасе: вуліца Захарава, 32, аўдыторыя 100, у 15:30. Зарэгістравацца можна ТУТ.
У сераду, 24 студзеня, мерапрыемства "Утульны педфак" збярэ аматараў лямпавай атмасферы і прыемных сустрэч. Хатні кінавечар адбудзецца па адрасе: вуліца Захарава, 32, аўд. 100, у 18:00.
У чацвер, 25 студзеня, завершыць цыкл святочных мерапрыемстваў караоке-батл «На вялікім паветраным шары…на педфаку». Караоке-батл - выдатная нагода для студэнтаў розных спецыяльнасцяў сустрэцца, пагутарыць, падтрымаць сваіх сяброў або проста добра правесці час. Зарэгістраваць каманду можна ТУТ. Пройдзе феерычнае музычнае спаборніцтва па адрасе: вул. Захарава, 32, аўд. 100, у 18:30.
Цыкл мерапрыемстваў, прысвечаных 65-годдзю педагагічнага факультэта, стане не толькі памятнай падзеяй, але і прыемным баўленнем часу для ўсіх удзельнікаў.
Гродзенскі дзяржаўны ўніверсітэт імя Янкі Купалы