Рэгіянальны форум, прымеркаваны да Дня праваслаўнай кнігі, даў старт шэрагу ўрачыстасцей у гонар 500-годдзя храма Нараджэння Прасвятой Багародзіцы ў Мураванцы. У рамках мерапрыемства адбылася выстава рарытэтных кніг і дакументаў, навуковая канферэнцыя, удзел у якой прыняў старшыня савета маладых вучоных ГрДУ імя Янкі Купалы Аляксандр Горны.
Рэгіянальны форум сабраў у Шчучынскім раённым Палацы творчасці дзяцей і моладзі духавенства Шчучынскага благачыння, прадстаўнікоў раённай улады, педагогаў і школьнікаў, жыхароў раёна, гасцей з Мінска і Гродна.
Навукова-практычная канферэнцыя «Мураванка ў гістарычным ракурсе» аб'яднала тых, хто цікавіцца гісторыяй старажытнага храма і праваслаўя. Кандыдат гістарычных навук, дацэнт кафедры гісторыі Беларусі, археалогіі і спецыяльных гістарычных дысцыплін ГрДУ імя Янкі Купалы Аляксандр Горны пагрузіў прысутных у гістарычныя перыпетыі міжваеннага перыяду гісторыі Маламажэйкаўскай царквы, падкрэсліўшы, што гэты храм - сапраўдны сімвал беларускай ідэнтычнасці.
Удзельнікі форуму пазнаёміліся з фотавыставай, якая расказвае пра гісторыю Мураванкі: ад рарытэтных архіўных фотаздымкаў да сучасных кадраў з робата са сваёй нагі і дакрануліся да ўнікальных экспанатаў храма, знойдзеных падчас раскопак і рэстаўрацыйных работ, старадаўніх і рэдкіх богаслужбовых кніг і дакументаў, паглядзелі.
Святкаванне 500-годдзя храма Нараджэння Прасвятой Багародзіцы вёскі Мураванка плануецца 1 кастрычніка, а ўвесь бягучы год пройдзе пад знакам гэтай цудоўнай падзеі.
Гродзенскі дзяржаўны ўніверсітэт імя Янкі Купалы